[احمدوعماروبسملة]

الواحد حقيقي مش عارف يقول ايه بس شبكات زي الكادينا سير الاسبانيه و r m c الفرنسيه نزلوا خبر النهاردة بيقول ان مورينيو فقد السيطره علي غرفه ملابس ريال مدريد لدرجه ان في اتنين لعيبه مسكوا في بعض !

اللي حصل بالظبط ان مبابي غادر معسكر منتخب فرنسا بعد اول مباراة في دوري الامم الاوروبيه بسبب الاصابه و بعدها ارتكب تصرفات خارج الملعب هي اللي زودت حده التوتر في اوضه اللبس ، طب مبابي عمل ايه ؟

مبابي راح ملهي ليلي في باريس مع شريكته و بعدها عمل جوله ركوب دراجات في جبال الالب ، مورينيو معجبوش الكلام ده و عمل جلسه مع مبابي و طالبه بالمزيد من التحفظ ، عشان بعدها تنزل اخبار بتقول ان مبابي مش عاجبه اصلا نظام ريال مدريد !

اهو خبر زي ده بينزل في وسط ما ريال مدريد خارج من خساره ديربي و داخل علي ملحمه مباريات هيلعب فيها مع فياريال و روما و اشبيليه و لايبزيج و برشلونة و كمان هيلعب 4 مباريات متتاليه خارج الارض و هيستمر شهر كامل مش هيلعب علي البرنابيو ، اللي هو مش وقته اصلا !

مفتكرش في فريق كبير في اخر سنتين حصل له كميه المشاكل الداخليه دي قد ريال مدريد ، ده حصاد الفريق الغلط اللي بناه فلورنتينو بيريز !