[احمدوعماروبسملة]

محمد فارس: الأهلي كسب الزمالك 17 ماتش في الدوري من 2007، مقابل 3 فوز للزمالك، أرقام مش موجودة في أي ديربي مصنف في العالم، وللعلم الـ3 هزائم منهم مباراتين بحكام مصريين، وأنا لا أشكك في نزاهة التحكيم المصري، ولكن بربط على ايد الأهلي، اي مباراة ضد الزمالك لا تفرط في ان الحكم يكون أجنبي تحت أي ظرف
محمد فارس: أشكر وائل جمعة وسيد عبد الحفيظ على نقطة معينة، السنة اللي فاتت انا هاجمت وانتقدت لما معسكر ماتش الترجي بقى 24 ساعة بدل 48 ساعة عشان اللاعيبة عاوزة تاخد اجازة العيد، الكلام ده مبيحصلش، جوزيه كان بيعمل معسكر مغلق قدام
طلائع الجيش في 2009، كابتن وائل جمعة عمل ايه قبل ماتش الزمالك؟ معسكر مغلق في نفس الاوتيل اللي جوزيه كان دايما بيعسكر فيه مع اللاعيبة، هنا ارث وائل جمعة في ان انا استدعي التاريخ اللي عندي لما كنت لاعب واحطه في الملعب مع اللاعيبة وانقل لهم الحالة دي، تحية للجهاز الفني فيه شغل وخطوات بتحصل
محمد فارس: مانويل جوزيه ضد الزمالك في 2007 بدأ ضد الزمالك بتشكيل 5-3-2، كان بيلعب بخمسة مدافعين ورا وتلات مسامير في النص، التشكيل ده لو نزل النهاردة جوزيه هيتفرم وهيتقال انه خايف من الزمالك، ايه اللي عاش في ذاكرتنا بعد كل السنين دي؟ ترقيصة تريكة لـ عبد المنصف، الديربي قاعدته كده "أفرح" وفيه أمور بعد كده هشتغل عليها.

مارك رأفت : تفوق الأهلي على الزمالك في نتائج مباريات الديربي في الدوري من 2007؟ عشان دايما ماتش الديربي كان بيتلعب آخر ماتش وملوش لازمة

ابراهيم فايق : لالا، الديربي يظل الديربي

أحمد أسامة: الشناوي وشوبير رجعوا، جمهور الأهلي كان واعي وهتف "الشناوي وشوبير النادي الأهلي بخير" محمد الشناوي كان على الدكة وروحه في أرض الملعب، دي ميعملهاش غير مدير كرة مالك أدواته وعارف يعني ايه هوية الأهلي، وعندك كابتن فريق محترم.

وتركيز مصطفى في المباراة دي بعد خطأ جنوب افريقيا يقول ان عندنا حارس كبير قادر يفصل، وفي المقابل المهدي سليمان مكانش في يومه.

فيه حاجات تطمنك، امام عاشور وهو بيخرج، وبقرار بيجيله، وزيزو وبن شرقي، وحالة اللاعيبة على الدكة وفي الملعب، المنظر ده هوية الأهلي، لو ده فقدته مهما كان الاداء مش هتمشي بهوية الأهلي ولا هتحقق البطولة.

أحمد أسامة: أكرم توفيق في الماتشات دي بيلعب بطاقة كبيرة وعنده هوية الاهلي، لاعب راجل تعتمد عليه
شادي حبشي: ممكن حد يقولك ياعم حسين عموتة ده راجل مغربي ازاي ميعرفش ماتشات الأهلي والزمالك، أه ميعرفش أهلي وزمالك، هو لو جبت مدرب مصري ووديته الدوري المغربي هيعرف تفاصيل الوداد والرجاء؟ احنا جايين من تجربة سيئة الموسم الماضي، أوضة لبس سيئة، مشاكل من كل حتة اتصدرتلك وانت اللي عملتها لنفسك، لما ييجي مدرب جديد مع مدير كرة جديد ولاعيبة جديدة، هل طبيعي بعد 6 ماتشات في الدوري أحكم على الراجل ده وأمشيه؟ أنا شايف امبارح تايم لاين عجيب وغريب كإن عموتة عمل كارثة، يا جماعة افرحوا، انت كسبان الديربي 2-0، ادوا فرصة للراجل يفهم ثقافة النادي، تسمع عن الأهلي زي ما تسمع لكن لما تدخل النادي هتحس انك داخل حاجة كبيرة، اديله فرصة يتعلم، وايوة فيه تطور، الراجل بدأ الموسم بعلي محمود، ثم ادى وقت لعمر الساعي، وحاليًا بيلعب أكرم، الراجل بيتعلم مع الوقت ومش متحجر، ندي للتجربة وقتها، مينفعش نبقى مفرمة المدربين.

[احمدوعماروبسملة]

محمد فارس: عايز أوثّق اعلاميًا ان الحكم الإنجليزي مارك هالسي والسويسري اورس ماير والسوري جمال الشريف التلاتة قالوا ان اللعبتين مفيهمش ضربة جزاء للزمالك، وده مهم جدًا اننا نقوله، والتلاتة مفيش انحياز للأهلي.

[السيدعبدالعزيز]

محمد فارس موسوعة بصراحه

[احمدوعماروبسملة]

المشاركة الأصلية كتبت بواسطة السيدعبدالعزيز

محمد فارس موسوعة بصراحه

بصراحه مصدر قوه لاهلي في الاعلام