[احمدوعماروبسملة]

🚨أحمد بلال عبر قناة الأهلي يفـ،ـتح النار على باسم مرسي ويلقنه درسا قاسيا🔥:

كل ما نفتح التليفزيون، نلاقي مهاجم سابق في أحد الفرق، وتعليقاته أقل من أننا نتداولها، لكن الفترة اللي فاتت بدأ الموضوع يزيد، وبدأ البرامج تستقطبه، وعلى أساس أنه شخصية وعنده كاريزما والكلام ده مالوش أساس

قالك انا اشيل المهاجمين على اكتافي وادخل بهم المرمى، طيب فاكرين "طرازن" لما كان بيشيل البني آدمين على كتافه..

انا عن نفسي شوفته مرتين تلاتة في حياتي، مكنتش بتابعه، ومكنتش شايف انه سوبر ستارز، عدى على الفريق المنافس اسماء كبيرة، قدراتهم اكبر منه بكثير وحتى أرقامهم وبطولاتهم اكتر منه بكتير، ومفيش مقارنة اصلا

ناس بتطلع تكلم بشكل تقدير، لاعب جاب له كام هدف، خد له بطولة دوري وبطولتين ثلاثة كأس، مكنتش بتابع الفترة اللي كان فيها، ومعرفش اصلا امكانياته ايه.. ارقام عادية، ممكن لاعب صغير يعملها لو عدى على الأهلي فترة يحققها عادي..

سهل جدا تجيب لاعب لعب سنتين في الأهلي حقق ارقام اكبر منه، في لاعبين لعبت 6 شهور في الأهلي حققت ارقام اكتر منه..

انت مالك ومال لاعيبة الأهلي، بعض الناس جابوه تاني واضح انهم اعجبوا به، واضح انه بيعرف يشيل الناس على اكتافه، هل هي دي الشغلانة اللي اشتغلها بعد الكورة، معنديش فكرة عن شغله.. واضح ان دي نوع من انواع الشغل اللي اشتغله بعد الكورة

طلع يقولك "فلان الفلاني" احسن من وائل جمعة، في احيانا لازم تعدي الكلام على مخك وتفلتره وبعدين ترجع تقوله علشان الناس تبتدي تصدقك.. لكن انك تقول لاعب فلان الفلاني احسن من وائل جمعة مرتين.. ما هذا الهراء؟!

لما تكون قاعد تهزي وتخرف وتقول اي كلام.. انت مش مدرك بتقول ايه، الحاجة الوحيدة انت ممكن حد يصدقك تقول انا في ماتش كنت جامد قوي، مفيش حد هيحاسبك.. ازاي تقول فلان الفلاني احسن من وائل جمعة اللي كسبان مع منتخب مصر 3 امم افريقيا بخلاف بطولاته مع الأهلي.. انت بتقارن مين بمين

فـ انت كده محتاج حد يرد عليك، مستغرب من الناس اللي بتستضيفه، وتدير الحوار، وتقعد تقوله يا سلام انت شايف كده!ّ .. في مثل شعبي بيقول لو كان المتكلم مش عارف ايه يبقى المستمع عاقل..

انت امكانياتك عادية جدا واقل مهاجم لعب في الأهلي عمل سمعة وصيت كبير، اللي بيمر على بوابة النادي بياخد بطولات، عمرنا ما اتكلمنا على لاعب مثل حازم امام او عبدالحليم علي، ولما تذكر اسمائهم بنقول لاعيبة كبيرة..

انت تقعد تقول اي كلام علشان تعمل تريند، علشان تروح كام برنامج تاخد قرشين من هنا وقرشين من هنا، احنا في قناة الأهلي بندافع عن لاعيبة الأهلي، ومكناش ناويين نرد، وسكتنا اسبوع في الثاني في الثالث يمكن الناس تهدي وتعقل ومش عايزين نعمل فتنـة، لكن الكلام لما كتر وزاد عن الحد وتبتدي القنوات تتناقل الكلام، وانه واحد بيعرف يدافع وكده

[السيدعبدالعزيز]

الخطا منك يابلال يالعيب.
حد يعلق على كلام باسم مرسى ويسمع له حتى

[احمدوعماروبسملة]

المشاركة الأصلية كتبت بواسطة السيدعبدالعزيز

الخطا منك يابلال يالعيب.
حد يعلق على كلام باسم مرسى ويسمع له حتى

باسم عاوز يشتهر
يعمل اي يخبط في الاهلي علشان الناس تتكلم عنه
هو مين باسم مرسي اصلا علشان نهتم بيه