[احمدوعماروبسملة]

محمد فارس:

لو دخلت تبحث دلوقت في الاخبار اخر اربع سنين، وعملت بحث عن موقف الاهلي من التحكيم، هتلاقي الاخبار كلها ان الاهلي عايز رئيس تحكيم اجنبي وان الاهلي عايز الحالات التحكيمية الجدلية تتعرض من لجنة الحكام ويتم تحليلها وانه عايز يتم الاستماع للفار وان الاهلي بيفضل الحكم الاجنبي في الماتشات المهمة، على النقيض لو دخلت تبحث عن موقف الزمالك اقسم بالله ما هتفهم الزمالك عايز ايه اخر اربع سنين، من اول كلاتينبرج اللي تم تطفيشه من الزمالك، وكمان المجلس الحالي وقت ماتش الاهلي اتمسكوا بلعب ماتش الاهلي بالحكم المصري ورفضوا الحكم الاجنبي ووقت مشكلة الاهلي وانه عايز يسمع الفار يحصل سخرية وتريقة وقتها ويتقال الاهلي مالوش حق يسمع الفار لكن دلوقتي عايزين يسمعوا، احنا بقالنا اربع سنين عايشين في تناقضات نادي الزمالك في ملف التحكيم

محمد فارس:

امبارح استاذ ماهر غريب عمل مداخلة وكان زعلان وبيقول ان فيه تهكم على نادي الزمالك، في حين ان نفس استاذ ماهر من يومين بس طلع عمل اسقاط وقال احنا لما نروح اتحاد الكورة مش هنطرد، عيب الكلام ده يصدر من مسؤولين في اندية وعيب يتقال جملة مش عايز اقول يتقال عليها ايه، الاهلي ده نادي كبير ولما راح اتحاد الكورة تم استقباله والقصة كلها كانت مين يستمع ومين لأ، فالقصة فيها اسقاط واضح ولو هو انكر ده فدي قصة تانية بقى.

[خضر الدبيات]

جزاك الله خيرا