[aiman noor eldein]

- أن يكون لديك لاعبين بخبرة و مهارة أحمد السيد و شريف عبد الفضيل ، وتلعب بالعش و ربيعة ، فلا بد و أن يظهر خط ظهر الأهلى بهذا المظهر السيء .!!

- حسام عاشور جاهز ويتدرب بقوة ، و شهاب الدين أحمد يهدد بالرحيل إذا لم يشارك ، و الكابتن جوزيه يلعب فى أهم منطقة بالملعب ( خط الوسط ) بلاعب إرتكاز واحد .. عجبى ؟؟؟

- مركز الإرتكاز يحتاج الى اللاعب اللى ( يهين نفسه ) وكنا نعلمه زمان من ( درجة نظافة الشورت ) ، وأعتقد إن ( البرنس ) حسام غالى ، ليس من هذا النوع ،و الأنسب له مركز ( الليبرو ) .!

- اللاعب رامى ربيعه : لسه بدرى علشــــــــان تقود خط ظهر الأهلى ، عايزلك كام سنه مع الناشئين .!

- هانت كلها شهرين ، ويريحنا عبد المنصف ( اوسه ) من مسلسل ( الأغبيــــــــــاء الثلاثه ) .! والله وجه اليوم اللى جمهور الاهلى يحلم ب ( اوســــــــــه ) الله يجازيك يا حضرى ..!!


- حد شاف رمزى صالح أمام الزمالك النهارده ، و أمير عبد الحميد مع المصرى الموسم اللى فات ؟؟

- كلمه فى إذن كتيبة التنــــــــابله : بدرو - فيدالجو - اوسكار ، مش مكسوفين من روحكوا و إنتم قاعدين ( تاكلوا حرام فى حرام ) ؟ بكره عيد الضحيه وحسن حمدى ( هيحلقلكوا ) ..!!

- الكابتن مانويل جوزيه بدأ يتخلى عن المجاملات ، بعد أن تيقن أن المجاملات ( هتقطع عيشه ) ، و أن مجموعة اللاعبين التى كانت سببا فى صنع تاريخه ، سوف تقضى بالتأكيد على هذا التاريخ .
فوجدنا أحمد شديد ووليد سليمان و عبدالله السعيد و السيد حمدى فى التشكيل الأساسى ، بينما إختفى معوض ، وبقى الماجيكو أبو تريكه على الدكه .!

- الكابتن محمد شوقى : رب ضـــــــــارة نــــــــــافعة .. ( للأهلى ) ..!!

- الكابتن جونيور : مش برضه البيه خرونج ؟؟؟ حلوه خرونج دى ؟؟

- الكابتن : عماد متعب ( المتعب ) كلما إقتربت من الزفاف زاد تألقك ، نتمنى أن تظل متألقا و ترفع راسنا فى المحافل الدوليه ومع الوليه ..!!

- الماجيكو أبو تريكه : معلهش ، دى سنة الحياه ، ولا بد منها .... فى نهاية الموسم .!

- الألتوراس الأهلاوى : فعلا ومن الحب ما قتل ، أموت و أعرف إنتم بتفكوا إزاى ؟؟؟ والا إنتم الالتوراس الزملكاوى ومش واخد بالى ؟؟

- مدافعى الأهلى حجـــــــازى و سعد الدين سمير و معاذ الحناوى و اليوم محمد سمير ، يتألقون فى الدورى المصرى ، والكابتن مانويل بيلعب ب ( العش ) مش عارفين مع نهاية الموسم الكابتن مانويل هيكون فى ( العش ) ولا طار ؟؟؟

أكتــــــــــــر من كده وربك بيحوووووووووش

[موكشة]

اة من دبابيسك
مولعة نار وصائبة دائما
ربنا مايحرمنا من دبابيسك ابدا ياعم ايمن
كل عام وانت والعائلة الكريمة بخير

[batista_cena]

- حد شاف رمزى صالح أمام الزمالك النهارده ، و أمير عبد الحميد مع المصرى الموسم اللى فات ؟؟

احمد عادل مشكلته ان ناقصه شويه ثقة
اما اكرامي فدا ناقصة كل حاجة

- الكابتن محمد شوقى : رب ضـــــــــارة نــــــــــافعة ( للأهلى ) ..!!

ههههههههههههههههههههههههههههههههههه

وفي النهاية ياريت استاذ ايمن تكون بدل اللي موجودين في البرامج الرياضة اللي بيصدعونا علي الفاضي
تحياتي الخاصة لحضرتك

[aiman noor eldein]

احمد عادل مشكلته ان ناقصه شويه ثقة

شوية ثقه ؟؟؟

ده ناقصه برملين و ( شوب ) ثقه ..!!

[batista_cena]

المشاركة الأصلية كتبت بواسطة aiman noor eldein

شوية ثقه ؟؟؟

ده ناقصه برملين و ( شوب ) ثقه ..!!

لأ هما برملين وبس
لكن الشوب دا بتاع اكرامي

[mahemd abo adm]

قراْة ولا اروع استاذ ايمن

[منصوراوى]

ولا تنسى ايضا المدافع محمد بلال لاعب سموحه الحالى واحد الناشئين تم بيعه هذه السنه
الملخص احنا بنسرح الحلو ويقعد الوحش

[موكشة]

المشاركة الأصلية كتبت بواسطة aiman noor eldein

شوية ثقه ؟؟؟

ده ناقصه برملين و ( شوب ) ثقه ..!!

اة منك انت
مميز كالعادة
ربنا يبارك فى عمرك
كل عام وانت والعائلة الكريمة بخير

[جوهركامل]

دائماتتحفنابمواضيعك استاذأيمن نورالدين أذادك الله من علمه

[aiman noor eldein]

المشاركة الأصلية كتبت بواسطة جوهركامل

دائماتتحفنابمواضيعك استاذأيمن نورالدين أذادك الله من علمه

لك كل الشكر استاذ جوهر

[خوليو_سات]

استاذ ايمن انا معجب جدا برايك الصريح كفايه بقه

[السيدعبدالعزيز]

أن يكون لديك لاعبين بخبرة و مهارة أحمد السيد و شريف عبد الفضيل ، وتلعب بالعش و ربيعة ، فلا بد و أن يظهر خط ظهر الأهلى بهذا المظهر السيء .!!

مش الدفع بالناشئين كان مطلب للجميع ؟.

- اللاعب رامى ربيعه : لسه بدرى علشــــــــان تقود خط ظهر الأهلى ، عايزلك كام سنه مع الناشئين .!

كثييرا ما اشدنا بجوزيه لاعطائه الفرصة لرامى ربيعه

الكابتن محمد شوقى : رب ضـــــــــارة نــــــــــافعة .. ( للأهلى ) ..!!

اللهم لا شماتة ..

[aiman noor eldein]

المشاركة الأصلية كتبت بواسطة السيدعبدالعزيز

مش الدفع بالناشئين كان مطلب للجميع ؟.



كثييرا ما اشدنا بجوزيه لاعطائه الفرصة لرامى ربيعه



اللهم لا شماتة ..

أخى الاستاذ سيد

كل عام و أنتم بخير

هل تعتقد أن سياسة الدفع بالناشئين من أهداف مستر جوزيه ؟؟؟

وهو من أصحاب مبدأ ( شراء العبد ولا تربيته ) ..!!

الكابتن جوزيه وجد نفسه مرغما على اللعب بالعش و ربيعة

فى ظل الغيابات التى أحلت خط الظهر .!

هل أنت راضى على مستوى رامى ربيعة ؟؟

وهل يصلح - فى الوقت الحالى - لقيادة خط ظهر النادى الاهلى ؟؟

لقد صرح اللاعب نفسه بعد مبارة الداخلية بإنه غير راضى عن مستواه ؟؟

من الأفضل لوسط الأهلى عاشور ( قلب الأسد ) أم محمد شوقى ؟؟؟

نحترم تاريخ شوقى

ولكن ما يهمنا فى المقام الأول هو

مصلحة الفريق .!!

[مصراوى2]

ممكن دبوس زيادة من عندى استاذ ايمن



ياترى انت مدرب كويس والا الحضرى هو اللى كان فلته ؟