[wmgc]

السلام عليكم

احنا اسرة مكونة من اب وام وبنتين وولد كنا عايشين مع بعض فى شقة ايجار قديم بالقاهرة باسم والدى اختى الكبيرة تزوجت فى حياة والدى ووالدتى فى مسكن خاص بها مع زوجها ثم توفى والدى وطلع الوصل باسم ورثة المرحوم والدى وفضلت انا واختى الثانيه ووالدتى فى الشقة تزوجت اختى الثانيه فى مسكن خاص بها مع زوجها ايضا و فضلت انا ووالدتى فى الشقة الى ان توفيت والدتى وفضلت انا لوحدى فى الشقة ومازال الايصال بيطلع باسم ورثة المرحوم والدى ... عرض على صاحب العمارة شراء الشقة تمليك فاشتريتها باسمى عشان اتزوج فيها باذن الله من مالى الخاص عاوز حاليا اجرها لظروف خاصة بى اخواتى عاوزين يطعنوا فى العقد ويفسخوا العقد بحجة ان صاحب العمارة باع لى الشقة من وراهم ولم ياخذ منهم تنازل عن حقهم فى الشقة او بيدعوا انى رضيت صاحب العمارة بمبلغ عشان يرضى يكتب العقد ويتغاضى عن حق اخواتى فى الشقة وطبعا هذا لم يحدث اطلاقا والله شاهد على ما اقول وان اختى الثانيه اللى تزوجت فى حياة والدتى عاوزه تدعى انها كانت مسافرة ورجعت بحجة ان عنوان بطاقتها على نفس عنوان الشقة حاليا بتاعت والدنا لانها لم تقوم بتغير العنوان الى محل ساكنها المتزوجة فيه حاليا ولم تطلع بطاقة عائلية منذ ان تزوجت مع العلم ان وثيقة الزواج بتاعتها مكتوب فيها عنوان المسكن اللى هى عايشه فيه حاليا وكذلك شهادات ميلاد اولادها ومدارسهم فهل يجوز الطعن فى هذه الحالة وفسخ العقد ..علما ان تاريخ وفاة ابى مارس 2005 وامى مايو 2009 ...

ثانى حاجة عاوزين حقهم الشرعى فى الشقة بمعنى لو انا بعتها ياخذوا هما النصف وانا النصف وكذلك بالنسبه للايجار لو اجرتها ياخذوا هما النصف وانا النصف فايه راى حضرتكم فى الكلام ده من الناحية الشرعيةهل ليهم حق شرعى فيها بعد ما امتلكتها من اى نوع ... نسيت اذكر حاجة ان العقد اللى معايه حاليا لم يذكر فيه ان الشقة كانت ايجار قديم فهل هناك ضرر من عدم ذكر ذلك مع العلم انى عملت صحة توقيع فقط على العقد ...

[wmgc]

فى انتظار رد الاخوه المحامين الافاضل ..

[ابو تريكه2]

اذا كان هناك توطى بين البايع (الموجر) والمشترى الذى هو احد الورثه فان هذا العقد الذى هو عقد البيع مايسرى فى حق باقى الورثه ويبقى اصحاب الحق وضعين حقهم كمستاجرين الى ان يتم اذالته

[wmgc]

بالتاكيد لم يحدث اى توطى بينى وبين البائع والله شاهد على ما اقول كما ذكرت بس فى الحالة ده لمن يمتد عقد الايجار بعد وفاة والدتنا رحمها الله ..

[wmgc]

يا ريت حد من الاخوه المحامين يفدنى ..

[جوهركامل]

أقولك على حاجه ومتزعلش منى حضرتك ألمفروض تقول لأخواتك أنك هتشترى الشقه تمليك من ألأول أماألوضع أللى حضرتك عليه دلوقتى يتوجب عليك أنك تراضيهم مادياوأللى يحكم بينكم حدمن أقاربكم كلكم تحترموه على فكره أنامش محامى ولاحاجه بس أحزنى فكرة(أختلاف ألاخوات)وأرجومن الله أن يلم شملكم وتتصافواوأعلم ياصديقى أن الله عليه ألعوض ومحدش واخدمنهاحاجه

[حمدى حسن2]

راى ان اخواتك انقطعت صلتهم بالشقه منذ خروجهم منها بحكم الزواج واصبح عقد الايجار ممتدا لك وحدك بعد وفاة الوالدة وبالتالى فان انقلاب \العقد من ايجار الى تمليك بينك وبين صاحب البيت هو عقد صحيح قانونا ولايتدخل فيه اى واحد من الاختان

[احمد علي علي]

المشاركة الأصلية كتبت بواسطة حمدى حسن2

راى ان اخواتك انقطعت صلتهم بالشقه منذ خروجهم منها بحكم الزواج واصبح عقد الايجار ممتدا لك وحدك بعد وفاة الوالدة وبالتالى فان انقلاب \العقد من ايجار الى تمليك بينك وبين صاحب البيت هو عقد صحيح قانونا ولايتدخل فيه اى واحد من الاختان

رأي صائب سليم اخي الفاضل تقبل تحياتي واحترامي ولاتحرمنا مرورك الكريم

[مريم رفاعي]

سيدي الفاضل انت الان تستمتع بحق الامتداد دون غيرك لان الامتداد انتقل اليك ببقائك مع والدتك حتي الوفاة ولكن يجب عليك اثبات انك الوحيد الذي كنت مع والدتك حتي بلوغ الاجل وذللك يتم بشهادة الشهود وجود محاضر مثبت فيها ذلك اي مستندات يستدل بها علي انك المستفيد من قانون الامتداد0 ده من الناحية القانونية من الناحية الاخلاقية ان استطعت ان تراضي اخوتك فافعل حفاظا علي صلة الرحم

[wmgc]

المشاركة الأصلية كتبت بواسطة احمد علي علي

رأي صائب سليم اخي الفاضل تقبل تحياتي واحترامي ولاتحرمنا مرورك الكريم

شكرا يا استاذ احمد على مرورك الكريم وشكر ايضا لباقى الاخوه اللى رده...

بس يبقى استفسار للاستاذ احمد فى حالة انهم رفعوا دعوة على صاحب العمارة بحجة انه باع لى الشقة من ورائهم من غير ما ياخذ تنازل منهم عن عقد الايجار فاصرف انا ازاى ...

وهل اختى الاخرى اللى تزوجت بعد وفاة والدها المستاجر الاصلى عام 2005 بفترة وفى حياة والدتها وانتقلت فى سكن خاص لها مع زوجها منذ زواجها ثم توفيت والدتها عام 2009 واصبحت انا المقيم لوحدى فى الشقة يكون لها حق فى الامتداد القانونى لعقد الايجار ولك جزيل الشكر ...

[نعمان]

اولا انت غلطان لان الشقة تورث للابن مكنتش محتاج تغير عقد كنت فضلت عايش فى الشقة بعقد والدك

[mohamed homos]

اولا انت غلطان لان الشقة تورث للابن مكنتش محتاج تغير عقد كنت فضلت عايش فى الشقة بعقد والدك

كلام سليم 100%

[arif1973]

السلام عيلكم ورحمه الله
أحب أرد على استفسار الاخ الكريم فى نقطتين:
أولا: بالنسبة لعقد البيع صحيح من الناحية القانونية ولا يحق لاخوتك الطعن عليهلانه بيع صحيح ولو عايزين يطعنوا فى المحكمة هما احرار والقضية خسرانه لان ما لهم هو حق الانتفاع وليس حق الملكية فالمالك يستطيع التصرف فى الشقه بالبيع سواء لك أو لغيرك والمشترى سواء أنت ام غيرك يقوم باعلان المستاجرين بحوالة الحق ليصير له الحق فى تقاضى الايجار من المستاجرين.
ثانيا:
حيث أنك اخر وريث يقيم فى الشقه بعد المورث الاصلى وهو الوالد ومن بعده الوالده فالشقه لك وبشراءك لها تصبح لك كامل السلطات القانونية على الشقه سواء بالبيع للغير ام التأجير للغير.
وباقى الورثه ليس لهم فى أى حق قانونى طالما تزوجت البنات وانتقلن للعيش فى مسكن أخر وانتقطعت صلتهم بالشقه فليس لهم العودة مره أخرى
واخيرا اذا كان الله رازقك بالمال وتستطيع أن تراضى اخوتك ليس لانهم لهم حق بالشقة ولكن صله رحم ورابطة دم وانت اخيهم وسندهم بعد ابيك اكرمك الله وجزاك خير الجزاء
وتقبل تحياتى
احمد عريف المحامى

[بهاء الدين مصطفى]

عايز اعلق على بعض الاشياء
1-الشقه ليست ملكا لاى احد من الاخوه لان لهم حق الانتفاع فقط
2-ليس من حق مالك الشقه بيع الشقه الا فى حالتين
أ-تنازل المنتفعين عن الشقه بارادتهم مجتمعين
ب-حدث لاقدر الله ان هدمت الشقة واقام المالك الحقيقى على اثر انقاضها شقه جديده.
ومع ذلك فاننا نصل الى النتائج الاتيه
1-يعتبر عقد البيع قابلا للابطال وليس باطلا
2-يعتبر عقد البيع صحيحا من الناحيه الشكليه ولكنه قابلا للابطال لمصلحة منتقرر الابطال لمصلحته
ومع ذلك فانه لكى يثبت الشخص ان العقد صحيحا يثبت الاتى.
1-ان كل من اخواته البنات قد تنازلا عن الشقه تنازلا ضمنيا بالاتى
أ-اثبات زواج كل من اخواته البنات
ب-اثبات تاريخ زواج كل منهما
يتبين الاتى
اثبات الزواج يدل على الترك والتنازل لاخيها عن الشقه
اثبات التاريخ يدل على الفتره التى تزوجت حتى فترة البيع كان دفع الايجار والملحقات لساكن الشقه.
فى هذه الحله لايحق لها الدفع بالبطلان

[wmgc]

ممكن توضح النقطة بتاعت اثبات تاريخ ده اكثر يا استاذ ايهاب لانى غير قادر على استيعابها واشكر كثير كل الاخوه الاعزاء اللى ردوا جزاءاكم الله كل خير ..