[waheed]

ربى احمدك واشكرك ---فهذة هى امنا مصر ---العالم يتعلم منها يعنى اية حضارة --يعنى اية امرأة عجوز يسندوها اثنين ولا تعرف يعنى اية انتخابات ولكن على لسانها دى بلدى ياناس انتم لا تعروفها انا اللى عرفاها ----يعنى اية المطر ينزل والبرد يشتد بشدة ليخرج الناس من الصف والناس تقول للمطر احنا مش ما شيين لان دى مصر ---- التحية لك يا مشير التحية لك يا طنطاوى واللى يزعل (مهيب الركن ) ربنا يسامحة وربنا يهديكم يا للى فى بالى -----وليس امامى غير اقول ---يا بلادى --يا بلادى --انا بحبك --يا بلادى

[ahmeddija]

الانتخابات النهاردا اثبتت للعالم كله ان الشعب المصري شعب متحضرا جدا
بس الحكومه السابقه كانت مصره اننا نكون متخلفين

[waheed]

المشاركة الأصلية كتبت بواسطة ahmeddija

الانتخابات النهاردا اثبتت للعالم كله ان الشعب المصري شعب متحضرا جدا
بس الحكومه السابقه كانت مصره اننا نكون متخلفين

منهم لله يا اخ احمد لقد بث راديو امريكا اعجابة وغرابتة من هذا الشعب ---والحمد لله

[محمد خالد3]

والحمد لله

[nileson_14]

احنا مصريين بجد

هي دي الكلمه اللي لابد ان نرددها فعلا حاجه تفرح
اقبال شديد-احترام لبعض -وقفه ف المطر بلا ادني مشكله - الكل هدفه الاول والاخير مصر..... والله حاجه تفرح

الله اكبر وتحيا مصر

[waheed]

المشاركة الأصلية كتبت بواسطة nileson_14

احنا مصريين بجد

هي دي الكلمه اللي لابد ان نرددها فعلا حاجه تفرح
اقبال شديد-احترام لبعض -وقفه ف المطر بلا ادني مشكله - الكل هدفه الاول والاخير مصر..... والله حاجه تفرح

الله اكبر وتحيا مصر

الفضل لله ولة الحمد ----والان يا اخوانى ما رايكم فى القوات المسلحة وهذا المستحيل اللى حققوة مع الاعتذار لمن فى ميدان التحرير والاخ مهيب الركن

[مهيب الركن]

المشاركة الأصلية كتبت بواسطة waheed

الفضل لله ولة الحمد ----والان يا اخوانى ما رايكم فى القوات المسلحة وهذا المستحيل اللى حققوة مع الاعتذار لمن فى ميدان التحرير والاخ مهيب الركن

يا أخ وحيد اللى فى ميدان التحرير دول اشرف شباب فى مصر
لولاهم لما رحل الفاشل شرف
لولاهم لما تم تحديد منتصف 2012 لتسليم السلطه
ولولاهم من البدايه ما رحل الطاغيه مبارك
ولا تقل ان حزب الكنبه هو من جعله يرحل
هؤلاء هم من وقفوا امام الرصاص وناموا فى البرد
فى الوقت الذى كان غيرهم يكتفى بالمشاهده ويدعى وطنيه
زائفه فقط لأنه قارئ جيد للصحف ومتابع همام لقنوات الاخبار
والان يحصد الجميع ثمار تضحيتهم ثم يشككون فى وطنيتهم

[الشيخ محمد رشاد]

هي دي مصرجزاكم الله خيرا وشكرا

[waheed]

المشاركة الأصلية كتبت بواسطة مهيب الركن

يا أخ وحيد اللى فى ميدان التحرير دول اشرف شباب فى مصر
لولاهم لما رحل الفاشل شرف
لولاهم لما تم تحديد منتصف 2012 لتسليم السلطه
ولولاهم من البدايه ما رحل الطاغيه مبارك
ولا تقل ان حزب الكنبه هو من جعله يرحل
هؤلاء هم من وقفوا امام الرصاص وناموا فى البرد
فى الوقت الذى كان غيرهم يكتفى بالمشاهده ويدعى وطنيه
زائفه فقط لأنه قارئ جيد للصحف ومتابع همام لقنوات الاخبار
والان يحصد الجميع ثمار تضحيتهم ثم يشككون فى وطنيتهم

الاخ مهيب انا لا اشكك فى وطنيتهم ولا وطنيتك ---اولا هما اللى جابوا شرف ---واخذ فرصتة ---والان جاء الجنزورى ولا تريدون ان تتحملوة الكام شهر ---فان خرج بالبلد من هذة المحنة سيقول الميدان كلمتة --وان فشل سيقول الميدان كلمتة ---اما تقولى الجيش يسيب البلد للبرادعى واللى معة فا فلمشمش او بالاصح عشمان حنا يخش الجنة فمصر اكبر منهم والشئ الغريب ان فى الميدان ليسوا دائما على صواب فهم صبروا عشر شهور وباقى كام شهر فما الداعى لكل هذا ---طبعا كلامى مش عجبك

[مهيب الركن]

الموضوع ملوش علاقه بالبرادعى او غيره
الجنزورى رجل يده نظيفه وكفايه انه الوحيد اللى لم يسجن من العصر البائد
ولكن شئنا ام أبينا فهو محسوب على النظام السابق الذى قامت الثوره ضده
الناس كانت تريد شخص ثورى ليس محسوب على النظام امثال حمدين صباحى
او البرادعى او اى شخص تنطبق عليه هذه الشروط ويكون مصدر ثقه
ولكنه الاصرار الذى يصل مرحله العند على رموز النظام القديم
العالم يتقدم ونحن نبحث فى زمن ولى
ولو كان نوبار باشا عايش كانوا مسكوه الوزاره
وكان هيطلع برضه اللى يقول اصبروا عليه ..

[waheed]

يا ابن الحلال ربنا يهديك ويهدينى البلد مش متحملة تجارب هو باب القصيد ----واى واحد ح تقصدة ح ينظلم ومش ح يقدر على هذة المسئولية فمن باب اولى المفروض ان الشباب الذى تقصدة ان يعاونوا الجنزورى ---وصدقنى والله ايام مبارك كانت سودة انا مقتنع بهذا وان شباب التحرير حفظهم الله من كل سوأ ----يا سيدى انا لا احب عمرو دياب والله لا احبة لكن دمعتى تنزل عندما يقول
مصر قالت -انحيازى عمرة ما كان للنتهازى مستحيل اقبل تعازى فى الشهيد رغم اعتزازى الا من بعد الحساب

[ابو شادى]

يا جماعه الميه تكدب الغطاس وبكره نشوف حكومة الجنزورى هتعمل ايه ولو جيتوا

للحق انا متفائل

[فايز الكرداوى]

الصبررررررررررررر يا ناس