[امير الطرب]

بينى وبين زوجتى خلافات قد نصل الى الطلاق عاوز اعرف لو رفعت عليه قضايا تبديد القايمة والنفقة ايه الاحكام المتوقعة لو رفضت استلام القايمة والنفقة المحددة علما بانى لدى 3 اطفال وبالنسبة لموضوع الذهب المكتوب بالقايمة هل من الممكن ان يدفع ثمنه فلوس لانه اتباع بعد الجواز ولا لازم يترد جرامات وايه الاجراءات المتبعة فى الحالات دى ارجوكم المساعدة والافادة ربنا يسترها معاكو

[ibrahimsat]

اخى الفاضل لحين الاساتذه ما يردوا عليك انا بقولك طلاما فيه اولاد يبئه حرام حكايه الطلاق دى استهدى بالله ممكن تيجى على نفسك وتعمل قعده مع اهلها وتحل الموضوع ودي بلا قضاايا بلا محاكم هوة انته كل الا همك القايمه ياعم اهم حاجه العيال دى نصيحتى ليك

[محمد مصطفى على]

عند الطلاق الذى سيتم انت سوف ترتاح وزوجتك سوف ترتاح والمتضرر الوحيد هم الاولاد اللذين لا ذنب لهم . فارجو التريث قليلا . لمصلحة اولادكم . ولابد من الصبر بينكم . وربنا الموفق ان شاء الله . لما فى صالح الاولاد

[امير الطرب]

الاخ الى رد وبيقول انت كل همك القايمة لو انت مكانى هتعمل ايه فى واحدة مش عندها احساس بالمسئولية كل همها اهلها وجوزها بالنسيةالها صفر هنعمل ايه لما تلاقى حماك وحماتك هما الى مساعدين مراتك على المشاكل هتعمل ايه لما مراتك كل ما تتكلم معاها فى اى غلطة عملتها تقولك طلقنى اوترد عليك رد مش كويس قدام الناس هنعكل ايه لما تبقى تيجى من شغلك بالليل تلاقى مراتك نامت لا جهزتلك اكل ولا انتظرتك تديك حقوقك الزوجية يا محترم

[زعيم الدش]

لا حولا ولا قوة الا بالله
ربنا يهديها

المشاركة الأصلية كتبت بواسطة امير الطرب

الاخ الى رد وبيقول انت كل همك القايمة لو انت مكانى هتعمل ايه فى واحدة مش عندها احساس بالمسئولية كل همها اهلها وجوزها بالنسيةالها صفر هنعمل ايه لما تلاقى حماك وحماتك هما الى مساعدين مراتك على المشاكل هتعمل ايه لما مراتك كل ما تتكلم معاها فى اى غلطة عملتها تقولك طلقنى اوترد عليك رد مش كويس قدام الناس هنعكل ايه لما تبقى تيجى من شغلك بالليل تلاقى مراتك نامت لا جهزتلك اكل ولا انتظرتك تديك حقوقك الزوجية يا محترم

[ahmed hassn2012]

اولا بالنسبه لقائمه المنقولات (امام محكمه الجنح )
يمكن للزوجه ان تقوم بعمل جنحه تبديد منقولات زوجيه سواء كانت بشكل محضر شرطه او بشكل جنحه مباشرة والحكم فيها بيكون الحبس مدة تتراوح بين ثلاثه شهور او سته اشهر او سنه فى اغلب الاحوال حسب اتجاه المحكمه ويمكن تفادى الحكم عليك بعرض جهاز الزوجه قبل تحرير الجنحه عن طريق انذارها لاستلام المنقولات وفى حاله رفضها الاستلام واستمرت فى السير فى اجراءات رفع الجنحه يمكن للمحامى الخاص بك عرض المنقولات عرضا قانونيا امام القسم التابع له محل اقامه الزوجه وسوف تقوم المحكمه بتاجيل الجنحه لعرض المنقولات ومنها الى انقضاء الدعوى الجنائيه بالتصالح (هناك بعض الامور تتعلق برفض الزوجه استلام المنقولات امام القسم ولكن يمكن تداركها وخاصه موضوع الدهب يمكن التعويض عنه بقيمته النقديه المحددة بقائمه المنقولات )

ثانيا النفقه الزوجيه ونفقه الصغار (امام محكمه الاسرة )
يمكن للزوجه رفع دعوى نفقه زوجيه وفى حاله وجود الاولاد معها يمكن رفع دعوى واحدة بطلب نفقه زوجيه لها ونفقه للصغار ويتم تحديد النفقه فى غالب الاحوال وفقا لدخلك الشهرى عن طريق التحريات ويمكن تحديدها بالمستندات والشهود

ملاحظه كل حاله من حالات الخلاف بين الزوجين ولا مفر من اللجوء للمحاكم
تختلف الاحوال من شخص الى اخر وتختلف القضايا والموضوع من حاله الى اخرى وسوف اتكلم عن الدعاوى التى يمكن اتخاذها بشكل عام فى هذه المنازعات
دعوى النفقه الزوجيه او دعوى نفقه زوجيه وصغار (فى حاله وجود اولاد )
ترفع من جانب الزوجه
دعوى الطاعه اوعن طريق انذار الطاعه حسب الاحوال ( من جانب الزوج )
دعوى الاعتراض عن انذار الطاعه فى حاله انذار الطاعه( من جانب الزوجه )
دعوى الطلاق للضرر (من جانب الزوجه )
دعوى الخلع (من جانب الزوجه )
دعوى رؤيه الصغار (من جانب الزوج )
ومن ناحيه الجنح
جنحه تبديد منقولات الزوجيه
من جانب النيابه
طلبات تسليم الصغار فى حاله وجودهم مع الزوج وهما فى سن الحضانه
طلبات التمكين من شقه الزوجيه فى حاله الحاضنه

[امير الطرب]

الف الف شكر على المتابعة والرد افادك الله