[osamasaad]

الاجابة باختصار
لان التليفزيون المصرى العبقرى اشترى نص الكباية فقط يعنى نص موسم بحوالى 10 ملايين دولار و النص التانى تركه لغلاء الاسعار

هذه المعلومات عرفتها من لندن و بما انى متخصص فى مجال حقوق الرياضة و خاصة الدورى الانجليزى الممتاز و دورى ابطال اوروبا جاءتنى معلومة تفسر لماذا امتنع التليفزيون عن بث باقى مباريات الدورى الانجليزى حيث تبلغ قيمة بث المباريات كاملة ارضيا فقط 30 مليون دولار فى الموسم الواحد و على فكرة الانجليز لا يبيعون بنظام الخضروات يعنى بيعة كل يوم و لكن نظامهم ان يكون العقد 3 سنوات و الدفع اسبوعيا و المشكلة هنا ان تليفزيون مصر اخد سعر مخفض عن طريق وسيط مغربى مشهور لن اذكر اسمه هنا لاسباب قانونية بحتة و تقاضى هذا الوسيط مليون دولار بالتمام و الكمال و الشرط هو ان تذاع مباريات الدور الاول فقط بل حتى السبت و الاحد و الاثنين دون غيرها يعنى ممنوع بقية الاسبوع و الثمن المخفض هو 10 ملايين دولار بدلا من 15 مع مليون و نصف المليون دولار عمولة " لصاحب المخل " و الشطار بتوع التليفزيون كانوا ممكن يزودوا 3 مليون فقط من الاعلانات و يجيبوا الدورى كله بعيدا عن الوسطاء و بالاتصال مباشرة بالدورى الانجليزى لكن تعمل ايه فى العقلية الجبارة للعباقرة بتوعهم و اولهم ما يسمى نفسه برئيس لجنة البطولات و الكل عارفه طيعا و مش هاقول اسمه طبعا
المهم فى هذا الكلام ان الدورى الانجليزى على التليفزيون المصرى توفى هذه السنة الا اذا اشتروا باقى مباريات البطولة و هذا فى علم الغيب و السنة الجاية ان عشنا انشاء الله هاتتفرجوا على مباريات الدور الاول فقط و بعدين انتوا عارفين هاتعملوا ايه فى الباقى و تليفزيون العم سام الجيران مستنى على احر من " الجمران "
ارجوكم ماحدش يسالنى عن مصدر معلوماتى احسن قرفت من السؤال ده لانه تقليد بايخ و سخيف

[man4safety]

حاجه تكسف والله

[hima1985zz]

يا سلام عليك انت يا عبقري
ياريت قبل ما تتكلم ابقي افهم كلامك
طب التليفزيون المصر ي اشتري نصف الكوبايه
طب والتليفزيون المغربي كمان اشتري نص الكوبايه
طبعا لا يا عبقري زمنك وأوانك
وموسوعة مصر الاولي
المشكله في حاجه اسمها شارة البث واللي بتتحكم فيها
حاجه انت متعرفهاش
ولا بتفهم فيها
اسمها ابوظبي الرياضيه
واللي كمان منعت الشارة عن مصر والمغرب سوا يا عم المفتي
وكمان مين المغربي اللي انت مش عاوز تقول عليه ده
هههههههههههههه
ياعم الله يكرمك ابقي قولو يدعيلك
كفايه عليك كده بقي يا كبير

[n.aaa34]

انت بتعرف كل شى عرفتك انت بقى الهو الخفى


http://www.masrawysat.com/vb/showthread.php?t=498881

[osamasaad]

يا سلام عليك انت يا عبقري
ياريت قبل ما تتكلم ابقي افهم كلامك
طب التليفزيون المصر ي اشتري نصف الكوبايه
طب والتليفزيون المغربي كمان اشتري نص الكوبايه
طبعا لا يا عبقري زمنك وأوانك
وموسوعة مصر الاولي
المشكله في حاجه اسمها شارة البث واللي بتتحكم فيها
حاجه انت متعرفهاش
ولا بتفهم فيها
اسمها ابوظبي الرياضيه
واللي كمان منعت الشارة عن مصر والمغرب سوا يا عم المفتي
وكمان مين المغربي اللي انت مش عاوز تقول عليه ده
هههههههههههههه
ياعم الله يكرمك ابقي قولو يدعيلك
كفايه عليك كده بقي يا كبير
هذا الكلام من الاخ الظريف اللى عامل نفسه عبقرى و بيفهم فى المعلومات الفنية طيب ازاى يا عبقرى الدنيا ممكن ابوظبى الرياضية تمنع اشارة البث دى الاكذوبة بتاعة مسئولى التليفزيون الجهلاء هل بتوع ابوظبى هايطلعوا للقمر الصناعى و يمنعوا شارة البث اللى جاية من لندن مباشرة
اعتقد ان اسمها هايحجبوا معلومات التشفير يا معلم و هى للاسف ثابتة طوال الموسم بتتغير مرة واحدة بس و الانجليز مش هايغيروها علشان خاطر عيون ابوظبى و لا اى قناة تانية المهم انك تكون عارف بتقول ايه مش اى كلام و خلاص علشان الاستظراف
و انا فعلا غلطان لانى حطيت الكلام ده هنا لكن فعلا الاعلام المصرى كذاب من زمان و الى يوم القيامة و بيضحكوا على الناس كلها
طيب تعرفوا انهم لغاية دلوقتى بيشوفوا الدورى الانجليزى فى الماستر بتاع التليفزيون و بنفس القنوات المشفرة لكنهم ما يقدروش يذيعوا حاجة لان القضايا مستنية و التعويضات و الغرامات و ابوظبى جاهزين بقريق قانونى انجليزى علشان يرجعوا و لو جزء من الـ 400 مليون دولار اللى دفعوهم فى الدورى الانجليزى
اما الوسيط المغربى للاخ الفاهم فاسمه مش سر و لا حاجة و قاله قبل كده مدحت شلبى و اسمه معروف عند قراصنة اتحاد الكورة زى مجدى عبد الغنى كده و اسمه ادريس عكى و هو سمسار متخصص فى الحاجات دى و سبق ليه مهازل مع تليفزيون مصر لكنه كله بينسوا الواقع علشان العمولات و كانت حصته من نص الدورى الانجليزى مليون و نص المليون دولار بالتمام و الكمال
و انا شخصيا املك تشفير الدورى الانجليزى لكنى مش هاديها للتليفزيون مهما حصل لانى مش عايز استفيد منها تجاريا لانى خدتها ثقة فى انى مش هابيعها و الحمد لله ما باتاجرش فى حد يثق فى و الكلام ده ما يفهموش اى حد لكن فعلا و بما انى متخصص فى الحقوق الرياضية عندى الدورى الانجليزى كله لكن ما عنديش اتصال مع حرامية التلفزيون المصرى و مش هايكون انشاء الله
و على فكرة القناة الرياضية المغربية وقعت فى نفس الفخ و اشترت نص الدورى برضه على قناتها الارضية و من ادريس عكى بالذات و حصل نفس الموضوع مع الكوايتة لكن عن طريق وسيط لبنانى اسمه عكار الجميل لكن لانهم معاهم فلوس بيكملوا البطولة لغاية اخرها
ايه بقى المعلومات اللى عندك يا عبقرى المكان و الزمان
و نصيحة لما تكون بتتكلم مع متخصص لازم تكون عندك معلومات مش تريقة لان البلد دى اللى ماخرها ان الكل عايز يعمل كل حاجة و ما فيش تخصصات لكن فهلوة و خلاص اظن الموضوع واضح و اتريق بقى على كيفك
على فكرة انا قبل كده حرمت التليفزيون كله من الدورى الفرنسى و ملخص الاسبانى لما كان ارخص من كده و بالذات حسام الدين فرحات الرئيس السابق للنيل للرياضة لانهم عايزين من الاجنبى و بس علشان العمولات اياها و انشاء الله هاكون سبب فى منع الدورى الانجليزى عنهم من جديد لانهم ما يستاهلوش و علشان تريقة الظرفاء بتوع المنتدى ده

[hima1985zz]

ههههههههههههههههههههههههههههههههه
حرمت التليفزيون من الدوري الفرنسي
وملخص الاسباني
وكمان معاك تشفير الدوري الانجليزي ومش هتديه للتليفزيون

خخخخخخخخخخخخخخخخخخخخخخ
ده انت نجم
كمل يا ابو العربي ده انت مسلي جدا جدا
مشكلتك يا ابني انك بتتكلم في منتدي محترم اسمو مصراوي
مش منتدي هايف العيال الهبله اللي فيه بتصدق كلامك
اتمني المسؤلين يثبتو موضوعك
عشان نضحك يا حلو

[osamasaad]

يا ابراهيم انت باين عليك شاب صغير بلاش اللغة بتاعتك دى و بعدين يا اخى اذا كان المتكلم مجنون فيجب ان يكون المستمع عاقل مش كده و الا ايه ؟

[kingegy11]

جدعان صلوا علي النبي احنا نروح لمجلس القلال الملتحيه لحل هذا ؟؟؟؟

[hima1985zz]

ههههههههههههه
ايوة يا عم
نروح مجلس القلال الملتحيه
وانا وانت يا عم

[hima1985zz]

اسامة باشا
فعلا يجب ان يكون المستع عاقل ان كان المستمع مجنون
بس ياغالي لما يكون الكلام لا يقبل اصلا انو يكون كلام معقول
انت بتتكلم علي اساس اننا ناس جاهلة ولا فاهمه حاجه
يا كبير في ناس هنا والله العظيم بيقومو بتدريس التشفير
تقوم انت تقولنا انك حرمت التليفزيون من الدوري الفرنسي
طب اصدقك ازاي

[osamasaad]

اقولك ازاى يا اخى الاصغر منى
سنة 2001 التليفزيون قصدنى لما كنت باشتغل فى لندن و طلب منى عن طريق حسام الدين فرحات انى اجيب لهم الدورى الفرنسى او ملخصه و لانى متخصص فى الحاجات دى قدرت اتفق لهم على جزء من الموضوع بنفس الوقت اللى عملت فيه اتفاق لصالح دبى الرياضية بعد كده لقيت ممثل شركة الحقوق " سبورت 5 " بيتصل بيا و بيقول لى ان واحد قال انه بيمثل قناة النيل للرياضة عايز يشترى ملخص الدورى الفرنسى مقابل نسبة مالية معينة و قال لى ما معناه ان اللى بيحصل فى مصر ده تهريج علنى و انه بيتعامل معايا فقط مش مع اى حد تانى و لما رجعت لحسام بيه قال لى ان واحد تانى جايب لهم الدورى الفرنسى بمبلغ اقل من اللى عرضته عليهم و لما قلت له ان الشركة الفرنسية السويسرية مستاءة قال لى ما معناه ان فيه عمولات داخلة لناس اكبر منه و انه لا يمكن ان يعمل شيىء فقلت له من ساعتها انكم مش هاتخدوا الدورى الفرنسى و لو على جثتى و دبى الرياضية هى اللى هاتخدوه و طلب من ايريك ممثل الشركة قطع التفاوض مع قناة النيل للرياضة لانهم عرضوا عليه هو نفسه عمولة شوف المهزلة مقابل تسهيل المهمة و فعلا رفضوا طلب النيل للرياضة المصرية و اصبحت الحقوق حصرية عند دبى الرياضية و بعدها باسبوع بعت لى ايريك برسالة يقول فيها ان جت له اخبارية من مصر ان قناة النيل للرياضة بتذيع ملخص الدورى الاسبانى و انه راجع اتفاق البث مع الشركات فلقى ان مش من بينهم اية جهة مصرية حتى الحكومية و طلب انى اتدخل قبل ما يرفعوا قضية على اتحاد الاذاعة و التليفزيون فرحت متصل بحسام فرحات فلقيته بيقول لى ان ملخص الدورى الاسبانى ده حقهم من التبادل الاخبارى قلت له الكلام ده دلوقتى ما بقاش ينفع و فيه اتفاقيات فقال لى لا مش هانتوقف فطلبت من ايريك يغيروا كود البث لاول و اخر مرة و فعلا ده اللى حصل و لما رجعت مصر اجازة طلب منى حسام فرحات مقابلته و رحت له و قعد يفهمنى ان الموضوع ده كله فيه ناس اكبر منه و ما معناه ان فيه عمولات و طلب انى اقدر موقفه فقلت له ان مادامت الثفة انعدمت بينى و بين النيل للرياضة فانا مش هاتدخل تانى و ده كلامى الاخير و الحمد لله فلى من مصادر الدخل التانية ما يغنى عن الاعلام الحكومى المصرى و كل تعاملاتى مش فى مصر
بالنسبة للدورى الانجليزى ارجو يا صديقى العزيز ان تفهم ان ما فيش حاجة اسمها شارة البث دى كدبة كبيرة اخترعوها بتوع هنا هوه صحيح فيه شارة بث لكن خاصة بالتليفزيون المصرى لما يكون بيذيع مباريات تقام على ارض مصر لان الاشارة بتيجى له اولا عن طريق خطوط فايبر اوبتك اللى بتشبه خطوط التليفونات لكنه بتحمل صورة مع الصوت
لكن ابوظبى الرياضة ما تقدرش تمنع حاجة اسمها شارة البث لانها لا تمتلكها هى فقط تملك حقوق التسويق فى منطقة الشرق الاوسط و لديها كودات تشفير القنوات اللى بتنقل المباريات من لندن مباشرة و تملك القناة انها تدى الكودات او لا تعطيها و حتى لو اديتها لطرف ما و بعدين حصل خلاف فهى تقدر تطلب من الطرف الاخر عدم بث اية مباريات و الا هناك قضايا و ملايين تعويضات و لما جه ادريس عكى سمسار المباريات المغربى المشهور بتاع الايه ار تى سابقا كوسيط للتليفزيون اتصل مع البريمير ليج الانجليزى مباشرة فقالوا له نفس الاجابة روح لقناة ابوظبى لان معاها الحقوق و لما سال ابوظبى رفضوا يتكلموا معاه الا بجواب رسمى من مصر يفيد بانه مندوب عنهم و طبعا هو ماعوش 10 ملايين دولار علشان يدفعها لنص موسم فاشترط مليون و نص المليون دولار مقدما علشان يدى العملية كلها للتليفزيون و البهوات دفعوا له بعدما اخدوا اللى فيه النصيب يعنى العمولات و خد التليفزيون نص الدورى يعنى نص الكباية لكن بشروط فظيعة و كانه بيسرق و كانت قائمة الممنوعات طويلة عريضة لدرجة انه اتمنعوا من وضع اية صور حتى ثابتة من وكالات الانباء فى الشرات الاخبارية او الرياضية و كمان اتمنعوا من عرض اية صور فى برامج على حتى القنوات الارضية هى مباراة تبث و بس و راحوا يجروا على ادريس عكى تانى لما الاقاويل زادت و طبعا ما لاقهوش فى اى مكان و استخبى فى باريس يستمتع بالمليون و نص و ما جوش لى لانى ابتعدت مؤقتا من عودتى لمصر عن المجال لكنى انشاء الله هارجع ليه قريب لكنى املك ***** الدورى الانجليزى لكنها معروفة على فكرة خاصة على 10 شرق و كل قنوات الشيرنيج تقريبا فاتحاها و بالنسبة لى فهى ليست للبيع لانها بتجيى لى كل سنة على اساس استعمالى الخاص و عارفين انى مش ممكن اتاجر بيها للثقة اللى بينى و بينهم و علشان كده قلت انى مش هاديها للتليفزيون المصرى و لو حتى لو عرضوا اى مبلغ لانهم ناس مش محترمين ياعم ده و انا قاعد استنى حسام فرحات جت لى سكرتيرته الخاصة و قالت لى ان الامور يمكن تمشى فى المكان ده مقابل 10 الاف دولار بس و الكل هايشتغل و نبقى حلوين تقول ايه بقى بس هو للامانة ما طلبش فلوس يبدو ان الملبغ كان للكبار فقط

فهمت يا عم ابراهيم الموضوع
و على فكرة برضه التليفزيوم مش هايذيع كاس الامم الاوروبية طبعا فهمت انت ليه دلوقتى لانهم اغبياء و هايفضلوا طول عمرهم اغبياء
الاتحاد الاوروبى من سنة قال لهم خدوا الحقوق من دلوقتى مقابل 25 مليون يورو قالوا لا و ايش عرفنا ما يمكن تصعد اسرائيل ( اللى عمرها ما هاتصعد الله يلعنها دنيا و اخرة ) و نبقى دفعنا فلوس لاسرائيل
دلوقتى الحقوق بلغت 350 مليون يورو تقدر تقول لى ان مصر هاتدفع علشان تنقل البطولة اسيب الاجابة ليك و امشى انا بقه كفاية كده صدعتك
بس اثبت ليك انى متخصص و لا لأ ؟؟؟؟

[hima1985zz]

اها
انا كده فهمتك
يعني انت كنت شغال في لندن
طبعا تحليلك لعدم اذاعة الدوري الانجليزي اللي فوق ده تمام قوي وجميل
طيب ياكبير
ياريت بقي تقرا الموضوع ده
واللي بيقول انك عارف اللي حصل في التليفزيون
وده كلامك
مش كلامي
http://www.masrawysat.com/vb/showthread.php?t=470412
ومستني ردك علي كلامك
مش علي كلامي

[osamasaad]

طيب يا ابراهيم و ايه المشكلة فى الكلام ده
انا سالت بتاع الحقوق التابع للمنطقة العربية و اسمه Sunil Kaikini احد مدراء الحقوق بادارة البريميير ليج و قال لى ان حقوق ابوظبى تشمل امكانية اعادة بيع الحقوق لكل دولة بمنطقة الشرق الاوسط على حدة ده بعكس عقد الجزيرة الجديد و تمنه مرتفع جدا يفوق المليار دولار و المشكلة ان التليفزيون اشترى عبر الوسيط المغربى نص البطولة فقط لانها رخيصة اما النص التانى فتمنها بلغ لوحده 50 مليون دولار لانها تشمل اهم مباريات الموسم الحاسمة و طبعا انت عارف ان مباريات الدور الاول مش مهمة لانها مش حاسمة
لكن الغباء بتاع التليفزيون المصرى انه ما اتفاوضش على حقوق ملخص المباريات من الاول و لو كان عملها كان ذاع على الاقل ملخص مباريات الدور التانى كله و ده اللى باتفوق فيه كمفاوض على الحقوق يعنى و انت بتتفاوض على حاجة لقيتها معقولة يمكن تضيف ليها حاجة تانية
لكن ممكن يكون التليفزيون عمل كده لكن ابوظبى رفضت بس اشك لان التليفزيون ما كانش اساسا بياخد الملخص مع انه كان متاح و بيشوفوه فى الماستر كونترول و مع ان الشرط هو ان يذيع الملخص بعد ساعتين من اذاعته على ابوظبى الرياضية لكن تقول ايه فى العقول المتحجرة
ارجو انى اكون اوضحت لك ما يحصل لانك شاب صغير و عايز تعرف الكتير فى عالم الحقوق و ده صعب جدا لانه محتاج سنوات و سنوات من التفاوض و التعامل مع مختلف العقليات سواء الاسيوية او الغربية و للاسف التليفزيون بعد تغييرات النيل للرياضة ما حاولوش تانى يتعاملوا معايا لانى رفضت ادى اية سمسرة للكبار حسبما طلبوا منى لكن ادريس عكى رضى و دفع العشرة الاف دولار و هو مبسوط مقابل مليون و نص المليون دولار و مش مهم رأيهم فيا المهم انى مش عايز اتعامل معاهم تانى و بعدين مش ممكن يكون التليفزيون ما دفعش باقى المبلغ لابوظبى لانهم بياخدوا المبلغ مقدما و لو حصل تاخير فيه غرامة بالفايدة حسب النظام الانجليزى يعنى التليفزيون المصرى الهمام دفع 10 مليون مقدما مقابل النص الاول من البطولة و مارضيوش ياخدوا النص التانى و طبعا ادريس اختفى خلاص و مش مهم بالنسبة له النص التانى و لا التالت و لا الخامس و انا حاولت انى احذرهم منه لكن العمولات كانت اقوى منى و اللى دفعه هوه اتاح ليه يفتح كل الابواب المغلقة و الحمد لله مش محتاج لا التليفزيون او الاعلام المصرى كله فى حياتى العملية لان كلهم لصوص عايزين الاخضر و الاحمر و بس خلاص

[hossamovic]

ارحمنا بقة بمواضيعك دى ...؟

[osamasaad]

انا مش هاشارك تانى فى الموضوع ده لانه تحول الى بذاءات و استظراف