[الجن راضى]

حصريا اجمد نكت 2012 للمنتدى مش هتقدر تمسك نفسك


في وحده حلمت ان محشش
بيجري وراها قالت له :انت بتجري ورايا ليه قال: انت عبيطة يا بت ده حلمك انتي .

دكتور شغل اغاني للمجانين، الكل رقص ماعدا واحد، ساله الدكتور ليه مش بترقص معاهم قال: اسكت اسكت انا العريس.

* فيه حاجة سودة بتمشي على الحيطة وتقول : مياووو…ايه ده ؟؟؟ غراب يستهبل .

* مرة واحد خليجي عرف ان الجلد موضة مشي عريان .
* خليجي راح يتمشى جابوه من ع الحدود .


* ديك بيعاير فرخو ويقولها مسكينة دايما بياخدوا البيض بتاعك..قالت له اسكت بس ياللي بتأذن وما بتصليش .

* طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط .

* محشش قاعد يشوف مباراة ريال مدريد .. سمع المذيع يقول فاول لصالح

رونالدو .. قال : تصدقوا اول مرة اعرف ان اسم رونالدو الاول صالح .

* واحد مات .. وفي جنازته كانت مراته بتضحك !! ولما سألوها عن السبب ، قالت : عشان دي أول مره أعرف جوزي رايح فين .

كمل المزيد كمان لانها بجد اخر نكت 2012 :

* في ثلاثة محششين ركبوا هلكوبتر لما حسوا بالبرد طفوا المروحه .

* واحد صايع عمل شيخ راح ربى دقنه و درسم على وشه علامه سجود ..المهم راح على صلاه الجمعه و طلب من الشيخ انه يخطب الجمعه بالناس و هدد الشيخ انو هايشرحه بالموس لو رفض المهم الامام خاف و خلاه يخطب الجمعه بعد الخطبه سال الصايع الشيخ ايه رأيك في الخطبه قاله الشيخ وهو خايف تمام بس في كمان غلط
اولا: ملك الحبشه اسمه النجاشي مش النغاشي و هو مش من كفر الشيخ .. ثانيا: اللي مش بيصلي ربنا بيحاسبه مش انت اللي هاتوريه الويل ، ثالثا: الدخان حرام حتى و لو كنت سكران و فاقد السيطره على عقلك ، رابعا: ابو جهل ما باعش بلال لبرشلونه بخمس ملايين ,و بعدين لما تخلص الخطبه بتنزل على السلالم مش بتتزحلق على الدرابزين .

* في واحد عربجي راح يجيب العلاج لابوه راح ورجع لقي ابوه ميت قال إه إه دانتا ندل

* عجوز كارهة نفسها مرة وقعت قالت أحسن تستاهلي .

* مدرس اتزوج مدرسة كتبوا الكتاب في السبورة

* مرة واحد كهربائى راح علشان يصلح سلك راح لقاه عريان فراح اتكسف منه .

* ظابط مرور خلف واحد يتكلم بالاشارة .

* مرة مسكوا لمبة تحري .. لية مسكوها ماشية مع سلك عريان .

* مرة واحد سباك راح فرح نقط بجلدة .

* مرة اتنين راحو يحلقو واحد حلق والتانى غويشة .

* مدرس كيمياء رزق بولد …. فسماه سامي أكسيد الكربون .

تابع نكت 2012

* مرة واحد قال لسواق تاكسى نادى الشمس قاله ماتنديها انت .

* مرة واحد اهوجى اشترى تلفزيون ماركة توشيشا .

* كمسري أبوه مات ماشى في الجنازة يقول يا حضرات الجنازة فاضية آدام .

* مرة واحد مصوراتي طلعله عفريت حمضه .

* اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا .

* كمسرى راح يتجوز لقى المهر ناقص كتب الباقى على ضهر التذكرة .

* بياع جرايد ابوه مات مشى فى الجنازة يقول اقرا الفاتحة .

* مره واحد لبان أشترى عمارة (ملك) مراته راحت تلم القشطة من علي السطح .

* قهوجى خلف ولد من غير وش .

* طبيب تزوج طبيبه خلفوا عيل زى الحقنه .




* بخيل بيقول لعياله : اللي ينجح منكم هاوريه عربية الأيس كريم.

* ست بخيله قالت لابنها يامحمد روح اشتري ثلاثه رغيف واحد لي وواحد لابوك وواحد ليك وبعد ما راح الولد لشراء الرغيف طلعت الام من البلكونه وقالت يامحمد رجع الرغيف الثالث ابوك مات.

* كان مرة واحد فتوة سكن جديد فى منطقة شعبية كل يوم يعدى من الشارع وينادى : لو فيه راجل فى الشارع يظهر لى ..كل الناس تخاف وتجرى.. واستمر الحال على كده شهور لغاية ما اجتمع اهل المنطقة وراحوا يأجروا واحد رد سجون علشان يضرب الفتوة ويخلصهم من جبروتة جه الراجل رد السجون وفجأة حضر الفتوة وقال : لو فيه راجل فى الشارع يظهر لى الكل جرى الا الراجل ..جم يشوفوه لقوه مات من الرعب

* واحد احول بص بعينيه الاثنين من خرم الباب .

عجوز بيقول لواحد خلاش عجشنا فرد الواحد و قاله يا عم انت لسه شباب فقاله العجوز أديك خمشة جنيه و قول كده قدام مراتى فرد الواحد و قاله هات عشرة جنيه و أطلعك عيل .

مرة واحد حلو اتجوز واحدة حلوة خلفوا ولد ملزق .
* واحد لقى الفانوس السحرى ..خرج لة العفريت وقاله انا احققلك كل اللى تتمناه الراجل قاله نفسى تحللنا موضوع الحروب والنزاعات والبلاد اللى بتتحرق والناس اللي بتموت دي ..العفريت فكر شوية وقاله لالا دا موضوع صعب قوي عليا شوفلي موضوع اسهل شوية ..فالراجل طلع صورة مراته من جيبه وقال للعفريت انا عايش مع الوحشة دي من عشرين سنة صلحلي منظرها شوية علشان الواحد يقدر يكمل معاها..العفريت بص قوي للصورة وفكر شوية وقاله انت قلت حاجة عن الحروب والنزاعات .

* واحد خلقه ضيَـق جاب حتة قماش وراح للترزي وقاله عاوز قميص واسع و الاساور واسعه و الياقه واسعة …….. اقولك شكلك هاتتعبنى معاك… هات القماشه .

* واحد صعيدي سمع عن الموبايل قال لأبوه عايزك تشتريلي موبايل يابوي.. أشتريلك بشرط .. انك تركب اخواتك معاك .

* ليه الصعيدى لما بينام بيحط منبهين جانبه .. علشان لما منبه يضرب التانى يحوش .

* في واحد عايز ينتحر رمى نفسه قدام عربيه زعق عليه صاحب العربيه بتعمل كدا ليه رد عليه عايز انتحر قال طيب ماتطلع اي عماره وتنط قال ياسلاااام عايزني امووت .

* ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه بيقولوله : المنشار ، المنشار ، المنشار قالهم بايظ مايشتغلش .

* فيه وحده غبية حبت تفرح جوزها ليلة زواجها قالت له :انا حامل .

* واحدة عجوزة بتسبح في حمام السباحه، وكان في برق بالسما، فقالت: لا حول ولا قوة الا بالله! مفيش امان بدأوا الشباب يصوروا.

* بخيل واقف فى البلكونة… ابنه جاى من بعيد يقول له بابا بابا بابا … قاله: يا ابن الكلب بابا واحده كفاية.


نكت محششين 2012

* دكتور في مستشفي المجانين :بيسال ممرضه ويقول لها من اللى بيضرب راسه في الحيط دا الممرضه:كان بيحب واحده واتجوزت واحد تاني الدكتور:دخل علي واحد مجنون ولاقاه بيضرب نفسه في الجزمه فا سال الممرضه وقال لها مين اللي بيضرب نفسه بالجزمه ده الممرضه:ما هو ده اللي اتجوزها

* جماعة عاوزين يحششوا فين فين قال واحد منهم فوق مدنة المسجد فطلعوا ومزاجهم فى السحاب طلع عليهم الظابط وعمل كبسه قامو بسرعة وعملو بيصلو اللا بتاع الولعة مش واخد بالة قالة الظابط دول بيصلو وانت بتعمل اية ردعلية الى مبيصليش بدخلة النار

* واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم اردم
في واحد محشش جوزوه قام الصبح قال لأمه ينفع تخلي الست اللي جوا تنام عندنا كل يوم
في وحده أتعرفت على واحد حشاش قام سألها اسمك إيه قالتله اسماء قالها يعني انتي مالكيش أسم محدد

مرة محشش جاب قميص مشجر علشان العصافير تقف عليه.

سألوا محشش: ما هي أفضل طريقة لصيد أرنب؟ أجاب: تقليد صوت جزرة.

سألوا واحد محشش : مين أهم الشمس ولا القمر رد: القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ

في حشاش نط من فوق سور المدرسه علشان عايز يدرس في الخارج

مرة واحد محشش مات نزل عليه 62 ملاك 2 بيحاسبوه و60 بيفهموه انه مات

محشش بيلعب كورة اخد الكورة على صدرة طلعها من مناخيرة

واحد محشش حب يطور الهليكوبتر فك المروحة وركب تكييف

محشش حب يولع فى مراته ولع فى نفسه و حضنها

محشش ركب دماغه عمل حادثه

محشش نزل في محطة الرمل رجلة غرزت

[احمد سمير]

هههههههههههههه

ههههههههههههه

[@@@ محمد كمبيوتر @@@]

[محمدالر]

هههههههههههههههههههههههههههه

[bahaamax]

هههههههههههههههههههههههههههه هههههههههههههههههههههههههههه هههههههههههههههههههههههههههه

[محمدعيادة]

هههههههههههههههههههههههههههههههههههههههههه
هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههه

[عاطف حبيب]

هههههههههههههههههه

بارك الله فيك

[جهاد33]

جميل
رائع
تسلم

[ياسر عرفة 2000]

[اروى سات]

Iiiiiiiiiiiiiiiiiiiiiiiiiiiiiiiiهههههههههههههههههه ههههههههههههههههههههههههiiiiiiiiiiiiiiii

[عمرو صقر88]

هههههههههههههههههههههههههه

[حسام الدين إسماعيل]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههه

[جيمي الصغير]

ههههههههههههه جامده

[omar_lionking]

[amir_44]

الصراحه جامده موووووووووووووووووت