[dr_revo]

سؤال لخبراء الموقع المتميز انا اشتريت جهاز دريم بوكس اتش دى se800 بوت 84 سيم 2.10 من حوالى اسبوع لكن يظهر ان الجهاز اتحسد لان ظهر لى فجاة ان الجهاز بعد فترة لا تتجاوز الساعه من التشغيل يهنج ولا يعمل الا اذا ريستارت الجهاز لكنه بعد وقت قصير يهنج مرة اخرى اتمنى منكم توضيح الاسباب

[abougouda78]

ههههههههههههههه جميلة اوى اتحسد ممكن تبخرة ولو مش جاب نتيجة جرب تنزل لية سوفت اخى الكريم مناسب لية عن طريق الفلاشة ولو مش ها تعرف ياريت تروح بية لمركز بيعة يظبطة احسن لانة اكيد لسة فى ضمان الفرجة اللى هوا شهر تقريبا مع تحياتى ورمضان كريم

[dr_revo]

ههههههههههه الله اكرم ابو جودة شكرا على نصيحتك وكلامى ان الجهاز اتحسد بجد مكنتش تريقه منى لان كل اللى كان يشوف الجهاز مبهور منه على العموم فى انتظار اراء الخبراء ايضا

[abougouda78]

والله بعد كامك الاولانى ومشاهدة مواضيعك كونت ناوى انزل اشترية قبل العيد بس لما اتحسد جهازك وقفت شوية وقولت اما اشوف اية الحكاية دول ياعم تقريبا الفين جنية مش لعبة فى الايام التعبانة دى ربنا يعديها على خير ويكون بس انت لعبت شوية وحبيت تخترع مش اكتر

[المعلم صديق]

المشاركة الأصلية كتبت بواسطة dr_revo

سؤال لخبراء الموقع المتميز انا اشتريت جهاز دريم بوكس اتش دى se800 بوت 84 سيم 2.10 من حوالى اسبوع لكن يظهر ان الجهاز اتحسد لان ظهر لى فجاة ان الجهاز بعد فترة لا تتجاوز الساعه من التشغيل يهنج ولا يعمل الا اذا ريستارت الجهاز لكنه بعد وقت قصير يهنج مرة اخرى اتمنى منكم توضيح الاسباب

قد يكون حجم الصورة المركبة على الجهاز كبيرا
جرب صورة اوزون اومرلين
هذه الصور هى الانسب للفلاش الداخلى للجهاز
لانها الاقل حجما والاكثر سرعا
ولا تنسى الا حتفاظ بسخة من ملف اشتراكك
قبل ارسال الصورة حتى لا يضيع عليك

[dr_revo]

الف شكر للمعلم صديق بس ممكن افهم يعنى ايه الصورة المركبه لانى بجد مش عارف
ثانيا انا روحت للبائع وقالى دة ممكن يكون العيب فى تجزئه البوكيهات ونزل القنوات من جديد بس برضه مازالت المشكله قائمه وقالى لو فضلت المشكله هنزل سوفت جديد لكن حاليا مفيش سوفتات جديدة نزلت على حسب كلامه بصراحه انا شكلى هتغابى عليه
المهم الرجاء من الجميع عدم شراء الجهاز الا لما اشوف حكايته ايه واقولكم

[abomody]

اخى الغالى نزل صورة جديدة للجهاز وريح نفسك وافضل صورة للجهاز من وجهة نظرى المتواضعة هى البلاك هول دريم اليت بوت 82 ولو عاوز بوت اعلى عليك وعلى صورة الدريم اليت فيرجن 3 بتاعة المبرمج العالمى kopra وهى بوت 87f وهى صورة رائعة ايضا والوايرلس شغال عليها بكفاءة عالية

[abougouda78]

شكلها كدا يامعلم هترسى على ترومان برميرا+1 او لو ريحت دماغك بقى علينا وعلى استرونج 4902 او 4930 ولا سوفت ولا صور على الاسترونج ولا مساحة قليلة على ابريميرا +1 ولا اية يا حج ابو مودى

[dr_revo]

يا ابو جودة الجهاز بجد كويس لكن انا اتكلمت مع فنى كويس قووى قالى ان مادام فى مشكله بالشكل دة يبقى الجهاز يحتاج الى تبديل لان المشكله كدة فى البروسيسور المهم انى كلمت البائع وقالى لو المشكله استمرت هستبدلك الجهاز بس بصراحه اللى مستغرب ليه ان مفيش حد من الخبرااااااااء الكتير على الموقع رد على موضوعى سوى المعلم صديق!!!!!!

[abougouda78]

كويس ان حظك حلو وظهرت معاك المشكلة دى فى الاول والا يا معلم انت عارف الباقى بقى عموما مش تسكت كتير يوم كمان محدش رد طير على التوكيل وشوفلك حل جذرى
وياريت تبقى تفهمنى اللى حصل معاك اصلا يعنى مثلا حاولت تلعب فى قوايم او بلجنز كدا حاجات من الى اى واحد بيحب يعملها فى اى شئ جديد عندة ههههههههههههه

[dr_revo]

الحمدلله على كل حال بص يا سيدى انا صعب قوى حد يضحك عليه محصلتش قبل كدة ومش هتحصل ولله الحمد كل ما هنالك ان الريسيفر اللى وقع فى حظى فيه المشكله دى وعلى رايك كويس ان حظى حلو انه فالاول
ثانيا انا ملعبتش اصلا فى الجهاز لانى لو فكرت العب هعرف اتعامل معااااه كويس قوى لانى سياتك مدرس جراحه فطب عين شمس واعرف اقرا واترجم قوائم قبل ما اتعامل معاها ربنا يسهل وارجعه بس تعرف انا نفسى اتقفلت من الجهاز مع انه بجد رائع بس برضه مش هجيب غيرة ان شاء الله

[abougouda78]

خش على المشاركة دى كدا جايز تفيدك بشئ لانة واضح انة عندة نفس مشكلتك
http://www.masrawysat.com/vb/showthread.php?t=599742

[abougouda78]

انا معاك ان الجهاز رائع وفوق الممتا بس صغر المساحة الخاصة بالفلاشة 64 ميجا بس دى بردو عقبة فى المستقبل ومتهيئلى كتير اوى علية 1700 جنية لانة برة مصر 1000 تقريبا والاصلى كمان تصور دى بس الدكر الى يدخلة بقى ويعدى بية الله يرحم ايامك يا ليبيا هههههههههههههههه

[dr_revo]

انا شوفت المشاركه لكنى اعتقد ان المشكله عندى مش فالصورة اصلا المشكله اكيد فالجهاز نفسه وفعلا المساحه ال64 ميجا صغيرة لكن هات اى جهاز تانى وشوف كدة مساحه الفلاشه بتاعته هتلاقى الكل واحد تقريبا وكمان الاصلى منه تقريبا كدة وسعرة بيختلف من بائع لبائع لكنه مستحيل ينزل عن 1800 جنيه كمان

[abomody]

طيب زود مروحة ديسك توب من بتوع اللاب توب تحت الجهاز
وماتنزلش ملف قنوات بة اقمار غير مستخدمة واستخدم صورة الاوزون او المرلين
وان شاء الله هتنحل مشكلتك بس خليك صبور انا ياما قابلتنى مشاكل مع الدريم 800
تطير العقل واحدة واحدة ان شاء الله وكل شىء هينحل والدريم 800 se جهاز رهيب ومالوش حل فى صورتة ال hd اوعى تفرط فية
او تجيب غيرة ولا تقولى بريمير بلس ولا استرونج مع احترامى للماركتين بس الدريم حاجة تانية خااااالص