[ashrafbali]

عاجل وخاص : الأهلى يستغنى عن ابوتريكة

أعلنت إدارة النادى الأهلى, برئاسة حسن حمدى الاستغناء رسمياً عن محمد ابوتريكة اليوم , الأثنين, وذلك بسبب رفضه المشاركة فى مباراة السوبر.

وعلم "الفجر الرياضي" من مصادره داخل النادى الأهلى أن لجنة الكرة ستجتمع اليوم من اجل اتخاذ قرار نهائي بالاستغناء عن ابوتريكة.

وكان محمد ابوتريكة قد رفض المشاركة فى مباراة السوبر تضامناً مع أولتراس أهلاوى بسبب عدم القصاص من قلته شهداء مجزرة بورسعيد حتى الآن
المصدر بوابة الفجر الرياضى

[ashrafbali]

عبد الحفيظ يُعقب على الاستغناء عن تريكة : مقداره كبير ولكننا نعمل فى "كيان

• 

قال سيد عبد الحفيظ مدير الكرة بالنادى الأهلى, أن محمد أبو تريكة نجم الفريق مقداره كبير فى الفريق الأحمر بسبب نجوميته, ولكن الأهلى يتعامل باساس مُمنهج لأنه "كيان" كبير.

ورفض سيد عبد الحفيظ التعليق على قرار الاستغناء عن تريكة, موضحاً ان اجتماع لجنة الكرة اليوم الأثنين سيحسم العقوبة الموقعة على تريكة.

[ahmoood555]

بصراحه هو زودها شويه

[ashrafbali]

بس ده ابوتريكه ياجماعه برضه ومن غيره مش هشجع كوره تانى

[( ABU YOUSEF)]

بصراحه هو زودها شويه ماهو لو عاوزبجد مكنش لعب مع المنتخب الاولمبي وكمان مباريات الاهلي الافريقيه ولا ايه نادينا الحبيب فوق الكل في عز حسام وايراهيم المرحوم صالح استغني عنهم الاهلي فوق الكل لكن موش معني دلوقتي قال حق الشهداء يرجع ضميره صحي في المحلي بس ولا الافريقيه والمنتخبات لاء وعجبي علي المزاج عقبال يارب الحارس المشلول شريف اكرامي او اقول الحارس الفاشل

[المهندس / محمد هشام]

بصراحه ماينفعش يسيب فرقته فى ماتش ذى ده لأى سبب من الاسباب

[GADGAD]

المشاركة الأصلية كتبت بواسطة مصر فوق

بصراحه هو زودها شويه ماهو لو عاوزبجد مكنش لعب مع المنتخب الاولمبي وكمان مباريات الاهلي الافريقيه ولا ايه نادينا الحبيب فوق الكل في عز حسام وايراهيم المرحوم صالح استغني عنهم الاهلي فوق الكل لكن موش معني دلوقتي قال حق الشهداء يرجع ضميره صحي في المحلي بس ولا الافريقيه والمنتخبات لاء وعجبي علي المزاج عقبال يارب الحارس المشلول شريف اكرامي او اقول الحارس الفاشل

اخى الفكره مش انه ضميره صحى فى المحلى والدولى لاء الفكره انى ماتش السوبر هو مجرد مباره افتتاحيه للدورى يعنى الدورى هيرجع اللى حصلت فيه الكارثه بالاضافه تقريبا انى المصرى هيرجع يلعب فى الدورى يعنى ولا كانى حاجه حصلت انا بصراحه مع ابو تريكه ولو ابو تريكه الاهلى استغنا عنه انا هشجع الفريق اللى ابو تريكه فيه حتى لو كان الزمالك ومش هشجع الاهلى تانى اللى بصراحه اصبح واضح جدا انى مصلحته اهم حاجه عنه انا اهلاوى صميم واكره انى اقول كده بس المفروض يراعو انى ابو تريكه نجم محبوب وانى هو بيحافظ على شعبيته وتاريخه واكتب يا تاريخ

[محمودالمغازى]

طيب ليه لعب مباريات أفريقيا

[ناصر الشرقاوى]

يعنى يالعقل كده يا جماعة اهو ما لعبش ماتش السوبر بكده بقى جاب حق الشهداء انا مش معاه خالص فى موقفه ده لو عاوز ياخد موقف ما كانش لعب خالص من اول ما حصل الموضوع بتاع الشهداء عشان يعرف يجيب حقهم فعلا و الله الموفق و المستعان

[حسن محمود]

عاش الملك ... مات الملك

[جمعة شفرات2]

الموضوع ليس بمكانه يا أخى
ضعه هنا
كرة القدم المصرية

[rara.rar29]

والله بكده الاهلى هيخسر نجم
فى كل شيء
الاخلاق
الاداء
المهاره
حب الناس
واخيرا منك لله
يا اهلى

[HECKAL]

يا جماعة لازم نعرف القصاص ليس بيد الاهلى انما بيد القضاء
ولو ابو تريكة ناوى يقف خلف الالتراس يبقى من الافضل ان يترك الملاعب ويتفرغ لمشاكل الالتراس و الشهداء و الخ ...

الى السيد ابو تريكة : هل تعمل ان هذة المنظومة عندما تتوقف هيكون خراب على ابسط الناس حواليك من عمال وموظفين يتراوح مرتباتهم من 300 الى 900 جنية فى الشهر انظر حواليك قبل نفسك و نفكر بفكر العقلاء قبل اى خطوة

نفسى البلد دى تقوم ... كل فرد يفكر فى عمله ولا يتدخل فى عمل وحق غيرة " الحق يأتى من عند الله .. هو الحق.. الانسان هو الذى من يضيع الحق ياااااريت نشتغل عشان البلد و انفسنا و عيالنا

ربنا يسامح من هو السبب فى اللى احنا فية ولا ننسى الله هو الحق و اسمه الحق

[اشرف المنياوى]

ان شاءالله ابو تريكة لن يترك الاهلى ابدا

[avalanshoon]

من الردود السابقة اعتقد ان ابو تريكة غلط غلطة عمره انا فضًل الاهلي وجماهيرة على فلوس الاحتراف اللي كانت مرمية تحت رجليه
لو حصل والاهلي استغنى عنه انا مش هشجع الاهلي تاني
الراجل ده باخلاقة واحترامه لناديه وجماهيرة رصيدة عندنا يكفي لسد اي هفوه منه