[esamooo7]

انا فنى تركيب دش
وطبعا الزباين بيثق فى كلامى
كنت برشح رسيفر الجوكر v2 كان ابن حلال والزبون مايتصلش بيه اللى علشان ينزل القنوات الجديده او السنه المجانيه خلصت ويريد تغير الرسيفر
ولما كنت بغيره كنت برده بشترى رسيفر الجوكرv2
المهم اختفى v2 ونزل مكانه v2.2
قلت اجربه وطبعا ايدى على قلبى لانه لزبون
المهم اشتغل الرسيفر تمام حوالى اسبوعين وبعدين الزبون اتصل قاللى الرسيفر بيحول المحطات لوحده واحيانا يقفل باور لوحده واحيانا --------
المهم دخلت على المنتدى وحملت سوفت يشغل اليوتيوب وقلت اكيد حيخلى الرسيفر يهدى ويعقل من الحاجات اللى بيعملها
وبعد لما عملت السوفت اليوتيوب اشتغل وقلت للزبون ان شاء الله الرسيفر حيبقى كويس
اتصل بيه الزبون وقاللى الرسيفر برده بيحول المحطات لوحده واحيانا يقفل باور لوحده
ومش عارف اعمل ايه مع الزبون
ايه الحل هل من سوفت يعالج تلك المشاكل
او حتى تحويله الى نوع اخر مثل v2 بنحوله لتايجر

[hamadalv]

ربنا يكون فى عونك

[shora117]

نفس المشكلة معايا ومش عارف اعمل ايه

[esamooo7]

المشاركة الأصلية كتبت بواسطة shora117

نفس المشكلة معايا ومش عارف اعمل ايه

أيه الحل
الزبون زعلان والمشكله انا اللى رشحتله الرسيفر لان v2القديم مش موجود
ياريت من مشرفى القسم ان يساعدونا لحل تلك المشكله
حتى ولو بسوفت قديم ومش مهم اليوتيوب
المهم الرسيفر يهدى من الجنون اللى هو فيه

[sheaiaa]

انا لسه شاري الجهاز جديد وكان بيهنج ساعات وما يفتحش اليو تيوب وكام مشكلة كدا منهم الرسترة
المهم جربت السوفت الموجود هنا على مصراوي سات
http://www.mediafire.com/?cduw6w3zge3b9zz
بجد الجهاز بقى عشرة على عشرة واكتشفت انه العيب مش من الجهاز
العيب من السوفت بتاع الجهاز لان الشركة بتنزل سوفت مش كويس لبعض الاجهزة
جرب السوفت دا فاتح اليو تيوب وكمان ما فيش تهنيج وسريع في تبديل القنوات

[ابراهيم فتوح]

الجهاز معايه عشرة على عشرة على اى سوفت من سوفتات المنتدى والحمد لله على هذا الجهاز والله بتكلم بجد وحاول تغير السوفت

[slhshlby]

كيوماكس 2.2 جوكر جهاز كويس والمشاكل إللي عندك من السوفت وطريقة
تنزيلة وعدم ضبط مصنع وكذلك ملفات القنوات
وإدخال سوفتات التشفير غير مخصصة لهذا النوع وبالمناسبة بأهيب بالأخوة
إللي بيسهموا في وضع السوفتات ييجو علي نفسهم شوية ويكتبوا كمان سطر
يوضحوا فيه أن هذا السوفت صالح ال.... كذا ... وكذا
كما أهيب بالإدارة بحذف السوفتات المنتهية ووضعها في الأرشيف

[ابو حبيبه]

اخىالغالى حمل سوفت جديد
ثم بعد ذلك عمل ضبط مصنع للجهاز
وبعد كده حمل ملف قنوات وانسا ياريسة
والله هذا الجهاز من افضل الانواع الموجودة ممن الجوكر بعد v2 القديم

[السمري 22]

المشاركة الأصلية كتبت بواسطة sheaiaa

انا لسه شاري الجهاز جديد وكان بيهنج ساعات وما يفتحش اليو تيوب وكام مشكلة كدا منهم الرسترة
المهم جربت السوفت الموجود هنا على مصراوي سات
http://www.mediafire.com/?cduw6w3zge3b9zz
بجد الجهاز بقى عشرة على عشرة واكتشفت انه العيب مش من الجهاز
العيب من السوفت بتاع الجهاز لان الشركة بتنزل سوفت مش كويس لبعض الاجهزة
جرب السوفت دا فاتح اليو تيوب وكمان ما فيش تهنيج وسريع في تبديل القنوات

نعم سوفت الدواخلي ٢.٨ من اجمل السوفتات وانا أيضا شغال به من غير مشاكل