[أحمد جوكر 2012]

كل مشاكل الإشاره لأجهزه عبد العال الجديده
أعطال الإشاره فى أجهزه كيوماكس 999 فرجن 1و2 الاسود الجديد والمينى والهيروشيما فرجن1 الاحمر الجديد والباركليبس فرجن 1

ظهرت فى الأونه الأخيره العديد من المشاكل الخاصه بالإشاره فى هذه الأجهزه وقد تمت السيطره عليها بفضل الله وهى تتلخص إما فى الترانزستورات الفلات أو lm317 أو الكريستاله الموجوده داخل التيونر أو الترانزستور b772

حينما يأتى إلينا جهاز قاطع إشاره مهما كان نوع عطل الاشاره

أولا يجب القيام بالإسعافات الأوليه للجهاز وذلك بعمل ضبط

مصنع للجهاز فإن لم يجدى ذلك فيجب تحميل سوفت وير

للجهاز يكون موثوق منه ومجرب فإن ظل العيب كما هو يجب

هنا فتح الجهاز !!!

وأول شىء يجب التأكد منه هو دائره الباور وخاصه المكثف

الرئيسى والتأكد من باقى المكثفات وتغيير التالف منهم و بعدها

نقوم بتنظيف البورده جيدا وقياس الفولت على lm317 أو

قياس الفولت على مدخل التيونر فيجب ان يكون عليه فى حاله

الوقوف على تررد رأسى 13 فولت وفى حاله الوقوف على

تردد أفقى 18 فولت فإن وجدت احد الفولتين ولم تجد الأخر او

لم تجد أى فولت فعليك بتغيير lm317 بعد التأكد من وجود

من 22 الى 24 فولت على الطرف الثالث من يمين

lm317 و فى حاله وجود الفولت مظبوط على lm ورغم ذلك

لا يوجد على مدخل التيونر أى فولت فيجب التأكد من

الترانزستور b772 أو تغييره والـتأكد ايضا من الدايود

الموجود بجوار التيونر لأن الدايود والترانزستور هما المسؤلان

عن تغذيه الاقط داخل التيونر بال 18 و13 فولت .وبعد التأكد

من كل هذا والفولت سليم على مدخل التيونر أى 13 و18

فولت موجودين تمام نبدأ فى مرحله صعبه قليلا بالنسبه

للمبتدأين أو غير الفنيين وهى الترانزستورات الفلات وعددهم

6 ترانزستور ونخص منهم ql3 و ql1 فيجب التأكد منهم

قبل البدأ فى فحص باقى الترانزستورات الأربعه المتبقيه

والإسعاف الأولى لهم التسخين عليهم بالهوت إير وذلك بوضع

كميه مناسبه من مساعد اللحام وضبط درجه حرارة الهوت إير

وتهدئه الهواء إلى أدنى مستوى لكى لا تتطاير القطع الصغيره

ونقع فى مشكله أخرى وبعد التسخين نقوم بتجربه الجهاز فإن

لم يعمل يجب هنا فحص الترانزستورات وتغيير التالف منهم

بنفس الرقم وعلى فكره من النادر تلفهم الا بالعبث فى الجهاز

وحدوث شورت مقصود أو غير مقصود على هذه

الترانزستورات وبعد ذلك إن لم يعمل الجهاز فنقوم بالمرحله قبل

الاخيره وهى التسخين على البرسيسور وباقى مكونات البورده

الخاصه بالإشاره أى المنطقه التى بجوار التيونر

والترانزستورات الفلات وبعد هذه المرحله إن لم يعمل فنقوم

بالتسخين على أيسى الإشاره داخل التيونر ويجب توخى الحذر

عند التسخين وفى النهايه إن لم يعمل فسيكون الحل تغيير

التيونر أو تجربه تيونر آخر فإن ظلت المشكله كما هى فسيكون

العقل الاساسى للجهاز البرسيسور وهذا آخر احتمال

لأنه من الصعب على غير الفنى تغييره أو الحصول عليه
((( ما توفيقى الا بالله )))

[islam_mohsen]

شكرا لك ياغالي وفي انتظار المزيد من اعمالك

[sameh1968]

Qmax mst 999 Hd 2.2انا قطع معايا اشاره بعد شهرين من شراءه صراحه كان شغال كويس المهم فكرتها حاجه بسيطه واخدته لورشه عندنا في المنصوره قالي الجهاز محتاج تيونر ولا يوجد عنده المهم كلمت توكيل عبدالعال في اسكندريه واخبرتهم اني فكيت الجهاز ينفع اجيبه في الضمان ردت علي الاخت المسئوله وقالتلي هاته المهم عندنا يكون معداش عليه سنه وروحتلهم بيه من المنصوره للاسكندريه استلموه مني واعطوني وصل وقالولي اتصل بعد اسبوع المهم فضلت اتابعهم حتي مر 3 اسابيع كنت بكلمهم شبه يومي وفي الاخر قالولي الجهاز ملعوب فيه والبورده معدتش هتنفع طب ماشي مفيش حل ولو بالفلوس قالتلي اسالك المهندس راحت سالته وجات قالتلي هياخد مائة جنيه وافقت بدون تردد لانني شاريه بخمسمائة وعشرون جنيه قالتلي خلاص كلمنا بعد يومين اتصلت بعد يومين ردت عليه اخت لا اعرف اذا كانت الاولي ولا واحده تانية واعادت الكلام الاول تاني انه مش نافع وعايز برده ومش موجوده كمان اخبرتها علي الحوار الذى حدث منذ يومين انكرت نهائيا هذا الكلام وطلعتني كداب وكان ناقص تشتمني طبعا الكلام دا بقوله لكم وياريت يوصل للحاج صلاح عبدالعال الوكيل المهم سافرت تاني للاسكندريه وحاولت معاهم يصلحوه خرج لي فني اسمه محمد وقال انهم هيجيلهم البرده عن قريب وابقي اتصل عليهم اسال واخدت جهازي وذهبت الي المنصوره مره اخري بعد مصاريف اكتر من مائة جنيه مواصلات واجازه يومين من شغلي وروحت اجر خيبة الامل في هذا الكيوماكس ورميته في البيت الي وقتنا هذاوياريت يا اخوه يا فنيين اللي فيكم يعرف يساعدني لحل مشكلة الجهاز واستعادته للحياه مره اخري يرد علي وانا اكون شاكر جدا

[مهندس محمودعبدالحميد]

اعمل موضوع منفصل بطلبك اخى الكريم وارفق صوره للبورده وان شاء الله هنتابع معاك

[ابوosama]

مغلق لقدمه .....................