[حمادة الشورى]

اخوتى الغاليين وبناء على طلب اخى الغالى ابو ياسين
سيتم شرح تحديث أى سوفت وأى بلجن ينزل جديد
بالتفصيل الممل للمبتدئين ( المحترفين والعتاولة يمتنعون )
بس قبلها تاخد نسخة من ملف القنوات بتاعك
عشان حتحتاجه بعد كده
ونبدأ كالتالى :

1- تفرمت الفلاشة ( fat32 ) سواء من الكمبيوتر





او يستحسن من الريسيفر نفسه









2- تنزل السوفت اللى انت عايزه من الموضوع المثبت التالى وده بيحتوى على جميع السوفتات وبيتحدث دوريا

http://www.masrawysat.com/vb/showthread.php?t=703361


3- تضع السوفت فى الفلاشة لوحده فقط ( من غير اى حاجة معاه )





4- تضع الفلاشة فى الريسيفر حتظهرلك رسالة توضح
رقم الاصدار الحالى للسوفت ورقم الاصدار للسوفت اللى على الفلاشة
( الرقمين فى الصورة متماثلين لانى اصلا حطيت فى الفلاشة
نفس السوفت اللى حدثته قبل كده عشان بس اوضح الطريقة
لكن طبعا المفروض ان رقم السوفت اللى على الفلاشة
يبقى احدث من رقم السوفت الحالى )
وهناك خيار للتحميل ... تختار التحميل




5- حيبدأ التحميل وحتطلع رسالة انه بدأ التحديث على الفلاشة الداخلية ويحذرك من اطفاء الجهاز


6- طوال عملية التحديث حيظهر اسفل التحذير خط اصفر ثم يتحول للازرق ثم للاحمر
وتسيبه خالص لحد مايخلص (حتاخد العملية دى حوالى 10 دقائق)
واللى يثبتلك ان عملية التحديث شغالة هى الخطوط الملونة
اللى قلتلك عليها لو مفيش خطوط ظهرت لفترة طويلة
والشاشة ثابتة على التحذير فقط
يبقى الفلاشة اللى عليها السوفت فيها حاجة


7- بكده يبقى خلص التحديث
تخش على طول على صفحة استعادة النظام
وتختار ضبط المصنع وتعمل اعادة الضبط








8- بعدها حيبدأ يدخلك على شاشات تخص التسطيب العادى
يعنى اختيارات اللغة ، والتوقيت ، وصفحة الاتصال بالنت
واختيار لتحميل الروابط من النت تعلم عليه عشان يبدأ يتصل بيها
وبعدها صفحة الترددات والبحث عن القنوات ساعتها تخرج من الصفحة دى


9- حتخش على صفحة الاضافات حتلاقيها فاضية
ماعدا زرار للتحميل (ازرق) تدوس عليه حيبدأ يحمل البلجن
حتلاقيه كاتب بلجن 7.5 وحتلاقى تحته اسماء البلجن اللى بيتضمنها
تختار منها اللى انت عايزه او ممكن تختارهم كلهم
وتدوس ok حيبدأ ينزل البلجن وتستنى لحد مايخلص
او ممكن تختار انك تحمل البلجن من الفلاشة زى كده










10- حتشغل ******* المجانى عن طريق تفعيل بلجن xamclient
او لو عندك ***** مدفوع عن طريق تفعيل بلجن xamconfigure








حتظهر شاشة حمرا فاضية لمدة دقيقتين متخفش ولا تقلق






بعدها حتظهر جنب اسم البلجن كلمة " بدء " يعنى خلاص اشتغل





11- تحط نسخة ملف القنوات على الفلاشة وتحطها فى الريسيفر
حيحمل ملف القنوات وحيعمل ريستارت وبعدها حتلاقى كله شغال يامعلم
والقنوات المشفرة مفتوحة اخر حلاوة والبلجن 7.5 ده بصراحة هايل
فى سرعة فتح المشفر وتقليب القنوات





وطبعا الخطوات تصلح لاى سوفت
ولاى بلجن ينزل جديد ومبروك عليكم التحديث ياغاليين



.

[سامى عرابى]

اول المهنئين على العمل الرائع
بورك فيك

[سامى عرابى]

اتمنى التثبيت للفائده الكبيره
ياااااااااااااااا مبدع

[waleedaboyasmen]

[حمادة الشورى]

المشاركة الأصلية كتبت بواسطة سامى عرابى

اول المهنئين على العمل الرائع
بورك فيك

المشاركة الأصلية كتبت بواسطة سامى عرابى

اتمنى التثبيت للفائده الكبيره
ياااااااااااااااا مبدع

الله يخليك يا اخى سامى ياغالى

[حمادة الشورى]

اخى وليد ابو ياسمين ، مانا قايل ياغالى انك بتعمل ضبط المصنع !!! لو قصدك فى الاول ، انا بالنسبة ليا عملته بعد تحميل السوفت والعملية تمت بنجاح وفضل السوفت الجديد زى ماهو ، انا موثق كل خطوة انا عملتها امبارح وبالتفصيل الممل عشان كده ، وشكرا لمشاركتك ياغالى

[waleedaboyasmen]

المشاركة الأصلية كتبت بواسطة حمادة الشورى

اخى وليد ابو ياسمين ، مانا قايل ياغالى انك بتعمل ضبط المصنع !!! لو قصدك فى الاول ، انا بالنسبة ليا عملته بعد تحميل السوفت والعملية تمت بنجاح وفضل السوفت الجديد زى ماهو ، انا موثق كل خطوة انا عملتها امبارح وبالتفصيل الممل عشان كده ، وشكرا لمشاركتك ياغالى

تم حذف المشركة الاولى
بارك الله فيك اخى الغالى
اتمنى التثبيت للفائده

[حمادة الشورى]

المشاركة الأصلية كتبت بواسطة waleedaboyasmen

تم حذف المشركة الاولى
بارك الله فيك اخى الغالى
اتمنى التثبيت للفائده

ربنا يخليك يا ابو ياسمين ياغالى

[محمد ربيع الجمسي]

تسلم حبيبى حمادة الغالى
مثبت بقوة

[حمادة الشورى]

المشاركة الأصلية كتبت بواسطة مـحـمـد ربـيـع الـجـمسـى

تسلم حبيبى حمادة الغالى
مثبت بقوة

ربنا يخليك يا اخى المحترم محمد ربيع الجمسى
والف شكر على التثبيت
واتمنى يدوم التثبيت لانه حينفع كل واحد شارى الريسيفر جديد
لان موضوعى السابق اتثبت شوية واتفك
مع انه والله كان موضوع برضه مهم جدا

[م / أبو عبد الرحمن]

إيه الحلاوة دي يا غالي
أكثر من رائع أخي حماده
وشغل من الدرجة الأولى

المشاركة الأصلية كتبت بواسطة حمادة الشورى

ربنا يخليك يا اخى المحترم محمد ربيع الجمسى
والف شكر على التثبيت
واتمنى يدوم التثبيت لانه حينفع كل واحد شارى الريسيفر جديد
لان موضوعى السابق اتثبت شوية واتفك
مع انه والله كان موضوع برضه مهم جدا

والله أخي حماده بحاول بذل ما في وسعي لتنقية المثبتات
عشااان ماتبقاش كثيرة وفي مواضيع بتثبت لفترة للإستفاده منها
حتى مواضيعي انا شخصياً لو تلاحظ كانت أول شئ بأبدأ بيها في فك تثبيتها

[holly007_007]

تسلم ايديك يا حمادة باشا يا غالي والحمد لله ان الموضوع بقي من المثبتات لانه فعلا هيفيد كل شخص كان عايز ينزل اي سوفت جديد او حتي بلاجن ومتردد.
تحياتي ليك يا غالي ولكل السادة الافاضل مشرفي ورواد هذا المنتدي

[aziz5165]

صلاة النبى أحسن...
شغل عالى عالى عااااااااااالى
إبداع وفن عالى عااااااااالى
والسى عندك عاليه عاليه 100 جيجا
فكرتنى بمصطفى عبده يامجرى وفاتح على الرابع
سوق .. سووووووووق ياجامد
مع تحياتى الخالصه لأحمد وأبوه الغالى

[ahmed amin]

ايه الحلاة دى يا حمادة باشا
ماشاء الله شغل عالى جدا
وخصوصاً ان الكلام بعد تجربة عملى
يعنى انت جربت كل مشاكل التحديث فعلا
تسلم ايدك يا باشا
فعلا الموضوع مفيد جداً

[حمادة الشورى]

المشاركة الأصلية كتبت بواسطة م / أبو عبد الرحمن

إيه الحلاوة دي يا غالي
أكثر من رائع أخي حماده
وشغل من الدرجة الأولى


والله أخي حماده بحاول بذل ما في وسعي لتنقية المثبتات
عشااان ماتبقاش كثيرة وفي مواضيع بتثبت لفترة للإستفاده منها
حتى مواضيعي انا شخصياً لو تلاحظ كانت أول شئ بأبدأ بيها في فك تثبيتها

بعض ماعندكم ياغالى ، وربنا يخليك ياعسل

اما بالنسبة لتوضيحك فانا عارف والله ياغالى مقدار تعبك ومقدره وربنا يكرمك زى مابتتعب فى خدمة الاعضاء وربنا يكون فى عونك ، بس هو فيه فعلا مواضيع بيتكرر السؤال عنها من الاعضاء دائما وبنضطر كل شوية نحط روابط للمشاركات اللى تخصها ونرجع نعمل كده مع كل سؤال وده يرجع ان الاعضاء بيبقوا مبتدئين وصعب عليهم البحث فى مئات الموضوعات فده بيفيدهم وبيريحنا ، اما بقى الموضوعات الاحترافية ممكن يتفك تثبيتها لانه من السهل على المحترف او القديم انه يبحث عنها ويجيبها وبكده يخف عليك العبء ياعسل فى التنقية والمراجعة ياغالى