إلي العم ..عبد الرحمن الأبنودي
*****
يا عم عب رحمن بتسأل
هوا ليه النيل ....."بليد "
هوا ليـه مات اللي مات
وألا مات علشان يقولوا
مات ....شهيد........
هوا ليه " الوقفــه " كانت
مش عشان " الوقفه " دايماً
قبل..عيد............
هوا ليه " الطلقـه " كانت
مش عشان الطلقة.. لازم
بعدها ....بنشوف ..وليد
وألا كان الحَـمل ..كاذب
وألا أجهضهــا التحالف
اللي حــالف..لأبنَـها
يفضـل ...وحيد........
هوا ليه الحظ عــــاثر
واللي قام بالقومه ..خاسر
واللي مش محسوب حسابه
يستفيــد..............
هوا ليـــه مكتوب علينا
الصبر لمّا................
جرحنــا ينضح ..صديد
هوا ليـــه مكتوب علينا
الجبر لمّا.................
ننضرب ..بإيــدين ..حديد
هوا ليــــه مكتوب علينا
القبر لمّا..................
ينفتح ..يطـــلب ..مزيد
يا تري مكتـــوب علينا ..
مهما ...ثورنا..............
نعيش ..عبيد..............
يا تري... المسمــوح لنا
ننطــق يادوبك ..كلمتين
" حاضر يا سِــيد ".......
هوا ليه لوحـــد.. غنـّي
لو علينا ..نقول له... عيد
هوا ليه لو حـــد ..خاننا
نبتسم ..ونقـــول تِـعدّي
مش جــــديد..........
هوا ليه دايمـــاً ..خيالنا
إبن ساعـــه..مِش مكمّل
مِـش عنيد...............
****
ليــه... بتســـــأل
هوا ليـــه النيل .." بليد "
كـُل شئ ..يـِشبه لأهلـه
اللي عــايش في الجَـهاله
واللي مـِتعايق ..بجهـــله
واللي ياخـــد بالبيـــادة
يســـتزيد...............
واللي واكــلاه ..القـُراضه
واللي يشبه..للجـــــراده
واللي فــــارد للشـِحاته
ألف .....إيد................
كان زمــان النيل ..نجاشي
بس بعد الثـــوره..ماشي
واللي ســارق مصر..فاشي
والأمل لـِسّاه..ما جــاشي
والنهــار..لـِســاه بعيد
****
ليه عشـِقنا..وبصبـــابه
ليه حـِلمنا..وبطيــــابه
واللا دي ..كانت ..خيابه
الغلط مش ع الديابه
الغلط يا عم فينا
شئ...أكيد
****
صابر أحمد
2012/11/30, 08:58 AM
إلي العم : عبد الرحمن الأبنودي
المواضيع المتشابهه
