[الباشمهندس5]

والله يا جماعه ماانا عارف عندي ايه المشكله ابتدت في نص رمضان شويه دوخه وزغلله وسرعه في ضربات القلب والكتور قال شويه ضعف وانيميا واداني فيتامينات . بعد حوالي اسبوعين العمليه اتطورت وبقيت احس بخنقه عند فم المعده وتطلع لحد زوري لدرجه اني ماقدرش ابلع ريقي و روحت لدكتور وعمل رسم قلب وقال تحويل لمعهد القلب . قلت مادام فيها قلب اروح لاخصائي وروحت وطلب اشعه موجات واعاد رسم القلب وقال مافيش حاجه رسم القلب كويس والاشعه بتقول ان فيه ذبذبه بسيطه في ضربات القلب لكنها مش مؤثره انت بتشتكي من شويه التهابات في المرىء واداني علاج مشيت عليه اسبوع وفي يوم الصبح فطران وشارب شاي وفجاه ضربات القلب زادت جدا روحت للدكتور قال ضغطك 180/110 واداني حقنه لاسيكس وقال لازم تكشف قلب روحت كشفت قلب الدكتور عمل رسم قلب و قال مافيش عندك حاجه واداني علي علاج المريء علاج تاني لتنظيم ضربات القلب قلت ماشي وحللت دم وقال لقي الهيموجلوبين 11 قال دي شويه انيميا واداني فيتامينات بعد كده لقيت نفسي تقيل ومش مكفي روت للدكتور كشف بالسونار وقال كله سليم لحد الرقه وسكت وطلب اشعه ولما شافها قال ده التهاب رئوي واداني علاج خدته باليل وعينكم ماتشوف الا النور قمت مالنوم علي ضربات القلب هتخرم صدري خدت حبايه اندولول وهديت ورحت للدكتور شاف اللي معاي كله وطلب تحاليل بول ودم ولما شافها قال روح اتبرع بالدم الهيموجلوبين 15 طيب الضغط يا دكتور قال 95/70 كويس ولما قلتله امبارح واول كان70/40 اداني ميدودرين 2.5 مرتين دي كل حكايتي الان انا مشكلتي في الضغط واطي باستمرار حتي مع هذه الحبوب اقل مجهود بيخليني احس بدوخه وزغلله حتي لو ركبت عربيه الهز والمطبات بيوطوا الضغط والاقيه 80/50 انا بقالي اكتر من شهر مش باشتغل ومش عارف اعمل ايه والا اكشف ايه تاني وعلي فكره انا كنت مدخن ومن اول ما تعبت بطلت يا ريت ياجماعه حد يفيدني سبب نزول الضغط ده ايه واسف جدا علي الاطاله بس كنت لازم اوضح الحاله

[اشرف اسماعيل]

اخى الحبيب استعمل حبوب الخميره وخلى شرابك العرقسوس بمعدل 4 اكواب يوميا بس تعمله فى البيت مع قليل القهوه انا اعانى من نفس مشكلتك واعالج نفسى بما ذكرته لك ولا اتعاطى اى ادويه اطلاقا واذا كنت تعانى من حموضه فى المعده فخذ اوميز 20 والله الشافى مشكلتك بسيطه لا تقلق مع ممارسه اى رياضه لمده ساعه يوميا لو حتى رياضه المشى

[الباشمهندس5]

الاخ الفاضل اشرف اسماعيل . شكرا لاستجابتك لندائي ولكن مشكلتي اني كنت اعاني من سرعه في دقات القلب فاصبحت بطيئه . اكاد اشك ان السبب هو عقار كالميبام 1.5 لان اعراض انخفاض الضغط لم تظهر الا بعد استخدامه بيومين وقد تعاطيته قرص قبل النوم لمده عشره ايام وانا متوقف عنه منذ 12 يوم ولكني عرفت انه يسبب بطء ضربات القلب والدوره الدمويه ولكن لاي فتره يظل بالدم لا اعرف فهل من خبير يفتينا

[اشرف اسماعيل]

اخى الفاضل لو انضبط معدل الضغط عندك سوف تنتظم ضربات القلب حاول ان تتناول قطعه خميره طبيعيه مذابه فى كوب ماء على الريق وممكن تحليها بملعقه عسل او سكر جرب لو لم تفيدك فلن تضرك بامر الله مع العرقسوس فحالتى كانت مثل حالتك تماما تزيد وتنقص ضربات القلب مع معدل زياده وهبوط الضغط ومن يوم ما استعملت الوصفه دى وانا ولله الحمد تمام وامارس كره القدم مع انى اكبر منك عمرا بكثير (وللعلم كنت اتناول مشتقات كاليبام ايضا) شفاك الله وعافاك اسال الله العظيم رب العرش العظيم ان يشفيك