[اشرف حسين]

بسم الله الرحمن الرحيم
السلام عليكم

يا ترى لسة فاكر زمان لما كنت طفل
اكيد لا
بس ممكن حد اكبر منك يفكرك
ويقولك
اى نوع من الاطفال كنت

وبعد ما تعرف

جاوب بكل صراحة!!!!!!

الطفل البريء ..

في البيت تلاقيه حبوووب وطبيعي 100 %

فى المدرسه تلاقي وشه عبارة عن خريطه للاطفال كلها

الطفل العنيد

بيطبق نظام البيت بالعكس .. بيعمل اللي فى راسه

مش بيخاف لامن بابا ولا من ماما.. ولا حتى من جدو ..

وبيتضرب كتير في طفولته .. ومع ذلك عنيد مش بيغير رايه ..ربنا يكون فى عون اهله

الطفل الزنان

يستخدم وسيلة الحنية لتلبية رغباته...

له نغمه خاصه في البيت.. بيكرر الكلمه عشر مرات فى الثانيه

لازم تعمله الى هوعايزة عشان يسكت .. اهله عندهم صداع المستمر ..

الطفل المادي

هذا الطفل مش بيسمع الكلام الا ( بالفلوس ) ..

تعامله مع اهل البيت .. مادي بحت .. ممكن يحاسبك على النص جنيه

الطفل الفتّــان

تلاقيه عارف جميع اخبار البيت .. لو عايز تعرف اى حاجه تساله

لما يرخم على حد بيفتن عليه

لو قولتله حاجه هتلاقيها اليوم الى بعده فى جريدة الاهرام

الطفل الدلوع

دة دلوع ماما وبابا .. بيكرهوه باقي الاطفال لانه مرفه وشايف نفسه عليهم..

تلبى رغباته قبل ما يطلبها.. شخصيته اتكاليه جداً ..

الطفل العله

يزعجك بأسئلته الي مش بتخلص .. يستفسر عن كل شئ ..

يحرجك احياناً .. مره تجاوب عليه ومليون مرة تنفضله و ممكن لو اتكلم معاك خمس دقايق تسيب المكان الى انت قاعد فيه بسببه ..

واكثر الاوقات مش هتلاقي اجابه لاسئلته .. لانك في الحقيقه مش عارفها..

الطفل اللي بيحب اللعب في الشارع

هذا الطفل مستحيل يعد في البيت..

بيعيش فى الشارع اكتر من البيت بيطلع ياكل و ينزل تانى ...

يعرف طول الشارع بالسنتيمتر ..

الطفل اللزقه

تلاقيه مسنتر عند باب البيت .. مافيش حد يطلع الا وهو لازق فيه..

حتى الضيوف من الممكن تلقاه يلزق فيهم ويطلع معاهم ..

وكتير بيضرب.. وخاصه من اخواته اللي اكبر منه ..

الطفل الهادي

دة الطفل الى مش ليه صوت .. ومكان ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع مش هيتكلم ..

في كثير من الاحيان تلقى اهله ناسينه عند اقربائهم اثناء الزيارات ..

الطفل القوي

.اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل وشوش اطفال منطقتهم تلقى له أثر وتوقيع عليهم

يمثل القائد والفتوه .. وبيخاف منه الاطفال ..

يتقرب منه الكبار ويتوددون له حفاظاً على سلامة اطفالهم

افتكر اى نوع من الاطفال كنت
وشوف نفسك ا لنهاردة حتلاقى كل خير
وانشاء الله الموضوع يعجبكم

[farissabry]

بارك الله فيك

[العميد18]

تكبر وتكبر همومك معاك ,,,,,, ياريتنا كنا صغـــــــــــــــار . تسلم الايااااااااااااادي

[جاى فى السريع]

الطفل العنيد
و
الطفل القوي

وما زلت بس الرجل مش الطفل هههههههه

[اشرف حسين]

شرفنى مروركم الكريم وشكرا جزيلا لكم