[amigosky]

السلام عليكم
بدأ تطبيق سياسة الاستخدام العادل فى الانترنت فى مصر من جديد
انا عندى خط 4 ميجا اتصالات كنت متعاقد على انه مفتوح واتضح ليا بعد ما جربته ان السرعة نزلت فى اخر الشهر الى 256 ك / ب . ث
ولما اتصلت بخدمة العملاء قالولى ان الكمية محدودة ب 80 جيجا ف الشهر
وبكده اتنصب عليا مع العلم ان النت من اتصالات وفودافون وموبينيل مطبق عليه سياسة الاستخدام العادل
ياريت اى حد عنده خط يتأكد او لو كان بيفكر يتعاقد مع اى شركة من التلاتة او غيرهم يراجع الشركة اكتر من مرة
اللهم قد بلغت اللهم فاشهد

[خميس عسل]

بارك الله فيك ياغالى

[elhamyspeed]

انا مشترك فى تى اى داتا سرعه 2 ميجا مفتوح و بصراحه شركه كويسه جدا و مفييش تطبيق سياسه الاستخدام العادل انت بتختار قبل متشترك اذا كان مفتوح و لا محدود
و انا بفضل احمل طول الشهر و السرعه ثابته زى ماهيه

[علي امين2010]

فعلا اخي كلامك مظبوط انا كنت مشترك مع اتصالات وهي بصراحه شركه مش محترفه ومش بتقدم خدمه محترمه للناس

[truman korea]

تي داتا
لينك
مفتوحين
اما اتصالات محدودة

[صياد النجوم]

كل شركات المحمول عندهم سياسه الاستخدام العادل سواء فى خدمه adsl او 3G وكلنا من زمان عارفين كده عشان كده بنصحك تحول الى تى اى داتا او لينك بس الاؤل اسأل اى الشركتين افضل فى السنترال التابع ليك الموضوع ده هياخد معاك وقت حوالى 20 يوم لغايه ما تاخد الكانسل نمبر وعشان كده قدم فى الشركه اؤل ما توقف الخدمه فى الشركه التانيه وبكده اؤل ما تاخد الكانسل نمبر تكون الخدمه هتشتغل فى الشركه التانيه انما لو عملت غير كده هتفضل منتظر اكتر من شهرين

[Arafottaa]

المشاركة الأصلية كتبت بواسطة صياد النجوم

كل شركات المحمول عندهم سياسه الاستخدام العادل سواء فى خدمه adsl او 3g وكلنا من زمان عارفين كده عشان كده بنصحك تحول الى تى اى داتا او لينك بس الاؤل اسأل اى الشركتين افضل فى السنترال التابع ليك الموضوع ده هياخد معاك وقت حوالى 20 يوم لغايه ما تاخد الكانسل نمبر وعشان كده قدم فى الشركه اؤل ما توقف الخدمه فى الشركه التانيه وبكده اؤل ما تاخد الكانسل نمبر تكون الخدمه هتشتغل فى الشركه التانيه انما لو عملت غير كده هتفضل منتظر اكتر من شهرين

تمام يا غالي كل شركات المحمول بتطبق سياسه الاستخدام العادل من زمان

اشترك على خط ارضي افضل

[amerelwahat11]

عليك الاشتراك في خدمات adsl عن طريق خط تليفون ارضي سواء كان لينك او تي داتا شركات حلوه والسرعه زي اول يوم في الشهر زي اخر يوم في الشهر.

[حسام مشعل]

مفيش اى مشاكل خالص

[mmcopy]

صورة من رد شركة لينك على موضوع الأستخدام العادل من الصفحه الرسمية على الفيس بوك

[ghasan]

انا مشترك 2 ميجا ومفيش حاجه

[عم الحاج]

شكر وتقديرللغالي أميجوسكاي
على الإفادة
وتقبل مروري بووود

[ramy mokbel]

لو عايز تشيل السياسه ابعتلى ع الايميل رقم الخط

[amigosky]

المشاركة الأصلية كتبت بواسطة arafottaa

تمام يا غالي كل شركات المحمول بتطبق سياسه الاستخدام العادل من زمان

اشترك على خط ارضي افضل

دى يا غالى بتشترك فيها ع الارضى برضه ولكن هو مزود الخدمة مش اكتر زى لينك وتى داتا وفودافون

[midonet_2100]

كل الشركات فى مصر السرعة محدوده حتى لينك او تي داتا الخط بنزل الى 128K