مع الحاج شريف وداعا لسقوط الموتور ناحيه الشرق ،تمتع بالمدار كاملا هديه حصريه لأحبائى فى مصراوى سات محدث بالصور

[باسم عادل]

وعليكم السلام ورحمه الله وبركاته
الذين نفذوا الفكره وأعلنوا عنها ، هم أنا والأخ سباعى الزقازيقى والأخ أيمن 2010 والأخ باسم عادل
أما أنا فوجدتها لدى محل بيع قطع غيارالسيارات المستعمله وهى خاصه بشنطه السياره بيجو 405
والأخ العزيز سباعى الزقازيقى وجدها فى محل بيع قطع غيار سيارات أيضا
والأخ أيمن 2010إستخرجها من جهاز رياضى ولكنه لم يكمل التجربه ووعدنا بالنتيجه بعد تقصير السوسته لأنه يراها طويله أو هى طويله بالفعل
والأخ باسم عادل لا نستطيع أن نعلم الآن مالديه لأنه بصدد هدم قاعده الطبق وإقامتها ومن ثم ننتظر حتى يكمل العمل ثم نسأله المعلومات
والحقيقه أنا أسأل كل من قام بالتجربه أن يفيدنا كيف وجد السوست وكيف إختبرها وكيفيه آداءها حتى يستفيد الإخوه الذين يودون التجربه من خبرته
أما بالنسبه للسعر
أنا دفعت 30 جنيه فى سوستتين لكن لظروف أنا كنت رايح أشترى حاجه تانيه ولم أجدها وسألته السعر ولم أفاوضه لأنى بصراحه كنت عايز أنفعه
لكن قيمه السوسته فى نظرى فى حدود 10 جنيه وإن زادت قليلا فلا بأس بشرط أن تشترط عليه إن لم تؤد العمل يكون لك مجال تغييرها .
الجزء الثانى من السؤال هو هل تساهم السوست فى منع الترحيل
الترحيل له سببان الأول بوش فى قلاووظ دراع الموتور بحيث يكون له وضعان وضع وانت رايح ووضع وانت راجع ، وهذا البوش تحكمه السوست وبالتالى تمنع الترحيل الناتج عنه
أما الترحيل بسبب بعد السنسور عن المغنطيس أوعدم دقه دائره السنسور فى البوزشنر وتأثرها بالضوضاء وحله فى ضبط مكان السنسور وقد تفيد جوده توصيلات السنسور فى التقليل من الضوضاء وتأثيرها علي دائره السنسور فى البوزشنر
وهناك ترحيل أيضا بسبب بوش فى تركيب الطبق على الماونت أو بسبب الجلب المتآكله وهذا يعالج بتربيط الطبق وتغيير الجلب إن كان بها بوش
تحياتى لك أخى الكريم رءوف أسئلتك وجيهه وقيمه بارك الله فيك



متابعه ممتازة يا حج
بالنسبة للطبق بتاعى
اكتشفت ان فى مشكلة و هى اعوجاج فى البولار
و ده اللى مسبب الميل.. وهاشتري واحد غيره
و جارى البحث عن طبق 240 بريفكس
بالنسبه للسوست انا لقيتها عن محل قطع غيار سيارات النقل
الواحده طولها 18 سنتى .. استخدمت 3 و وصلتهم ببعض
و قوية جدااا و اشتريت الواحده جديده ب 5 جنيه
الفكره نجحت و استقبلت لحد قمر 70 شرق
لكن الطبق طلع رديئ
لانى اشتريته مستعمل و ما اخدتش بالى من العيوب
و شكرا ياحج شريف

[سعد صادق]

شــــــــــــرح ممتاز وفكره في غايه الروعه

[الحاج شريف]

شــــــــــــرح ممتاز وفكره في غايه الروعه

بارك الله فيك أخ سعد تشرفت بمرورك

[MRT2065]

رااااائع الله ينور

[الحاج شريف]

بالنسبه للسوست انا لقيتها عن محل قطع غيار سيارات النقل
الواحده طولها 18 سنتى .. استخدمت 3 و وصلتهم ببعض
و قوية جدااا و اشتريت الواحده جديده ب 5 جنيه
الفكره نجحت و استقبلت لحد قمر 70 شرق
لكن الطبق طلع رديئ
لانى اشتريته مستعمل و ما اخدتش بالى من العيوب
و شكرا ياحج شريف



شكرا ليك أخى باسم
لكن فيه معلومه تحتاج منك لتفصيل خدمه للإخوه الذين لديهم صعوبه فى الحصول على السوست
ياريت تقولنا لما نسأل محل قطع غيار النقل نقوله سوسته إيه أو اللى بتستخدم فى إيه
بارك الله فيك

[الحاج شريف]

رااااائع الله ينور

كلك ذوق ،الله ينور علي حضرتك

[الحاج شريف]

شكرا ليك أخى باسم
لكن فيه معلومه تحتاج منك لتفصيل خدمه للإخوه الذين لديهم صعوبه فى الحصول على السوست
ياريت تقولنا لما نسأل محل قطع غيار النقل نقوله سوسته إيه أو اللى بتستخدم فى إيه
بارك الله فيك


ياريت أخى باسم الرد علي السؤال مع الشكر والتحيه

[باسم عادل]

ياريت أخى باسم الرد علي السؤال مع الشكر والتحيه


باعتذر عن التاخر فى الرد يا حج شريف
لسه شايف المشاركة
تسأل الراجل عادى عاوز اكبر سوسته عندك
يعنى فى حدود 20 سنتى
علطول هيدلك اللى موجود عنده
انا عملت كده .. و لقيتهم قدامى فى العرض
تقبل تحياتى يا حج
و كل عام و انتم بخير
بمناسبة شهر رمضان
patch_lov-

[chemical79]

فكره رائعه .جزاك الله خيراً ياحاج شريف ......كل عام وأنتم بخير

[الحاج شريف]

فكره رائعه .جزاك الله خيراً ياحاج شريف ......كل عام وأنتم بخير

وإياكم أخى الكريم

هذه إعاده لصورة السوست وصورة طريقة تركيبها وإختبارها لمن فقدوا الصور

http://www.masrawysat.com/vb/attachment.php?attachmentid=650690&stc=1&d=1467651685

http://www.masrawysat.com/vb/attachment.php?attachmentid=650688&stc=1&d=1467650722



طريقة إختبار السوست
بعد تركيب السوست فك الموتور من ناحية الطبق ثم إدفعه للشرق ودع السوست تحمل الطبق وحدها
لو سقط الطبق عند الأسياسات نستنتج أن السوست طويله ويجب تقصيرها
لو وقف عند التركى 42 مثلا نستنتج ان السوست قصيره وتحتاج تطويل
التقصير والتطويل يكون من الأجزاء العدله للسوسته وليس اللولبيه
أما إذا وصل الطبق إلى حوالى 70-75 شرق وأمكن دفعه باليد بسلاسه فى الناحيتين فتكون السوست قد نجحت فى الإختبار بحمد الله

[محمد راضي 2]

الله ينور

[جوهركامل]

تسلم أيدك ياحاج شريف
كنت ناوى أنفذألفكره وألله
لكن ألطبق ألبينجامين أل240عندى لن يعطينى ماأريد
لكن ان شاءألله مع ألوقت هشوف طبق 240آخروأنفذفكرتك
تحياتى ياحاج شريف

[conte]

بالبوزيشنر اليدوي اكثر شيء يحدث فيه الضرر لغياب المستشعر والاستمرار بالدوران يعني انفلات ذراع الطبق وطريقتك مجديه وفعاله وان كان امكانيه بتعديل القاعده باضافه ذراع يتناس مع القوس يحل المشكله ايضا

[conte]

قاعده polar

[mohamed 1010]

استفسار يا حاج شريف بعد اذنك .. انا اشتريت ماتور جديد سوبر جاك قريب 24
وكنت عايز اعرف من حضرتك هل طبيعي ان البلي اللي في الصوره ( محدد بالاسهم ) تكون
مش حرة الحركه يمين ويسار
لانها ثابته في مكانها وقويه جدا وصعب تحريكها علي عكس الماتور القديم اللي عندي بيتحركوا بكل سهوله
وكمان بيلفوا مع دوران الماتور اثناء تحريكه .. هل دا طبيعي ؟ وشكرا لحضرتك مقدما


http://i64.tinypic.com/dej6f.jpg

[الحاج شريف]

استفسار يا حاج شريف بعد اذنك .. انا اشتريت ماتور جديد سوبر جاك قريب 24
وكنت عايز اعرف من حضرتك هل طبيعي ان البلي اللي في الصوره ( محدد بالاسهم ) تكون
مش حرة الحركه يمين ويسار
لانها ثابته في مكانها وقويه جدا وصعب تحريكها علي عكس الماتور القديم اللي عندي بيتحركوا بكل سهوله




أهلا بك أخ محمد
فى الأول بتكون البليه صعبة الحركه لكن بتتحرك ولو بتحتاج قوه أكبر مش ناعمه زى القديمه اللى تآكلت مع الوقت وفقدت بعض المعدن
يعنى حضرتك حتحط مسمار 19 فى البليه أو مفك تقيل لو بتقدر تحركها ولو بالقوه ماشى الحال طبيعى
يعنى بتبقى عامله زى الموتور الجديد أو بعد العمره محتاجه تليين
المطلوب تشحيمها باستمرار علشان لا تتآكل أو رشها بمزيل صدأ زى wd40
ومع الوقت وعدم الصيانه بتتآكل البليه وتبوش "وتلب " داخل العروه وتعمل لك مشاكل مع عداد البوزشنر زى الموتور القديم اللى حضرتك بتقول عليه


وكمان بيلفوا مع دوران الماتور اثناء تحريكه .. هل دا طبيعي ؟ وشكرا لحضرتك مقدما


الجمله دى مش واضحه ؟ إزاى البلى يلف مع دوران الموتور ؟ قصدك بدون تركيبه فى الطبق
لو الموتور راكب ف الطبق البلى بيبقى مربوط بإحكام بمسمار 19
لكن لو بتجربه عندك فى الشقه لازم تحط مفك ف العروه علشان مايلفش ويتحرك بس للداخل وللخارج

[mohamed 1010]

الف شكر لرد حضرتك يا استاذ شريف جزاك الله الف خير يا غالي
وكل سنه وحضرتك طيب وبخير وسلام .

انا بالفعل جربت احرك البليه اللي جمب المسمارين اللي في الصوره بمسمار 19 اللي جاي
مع الماتور وحركتها بالفعل ولكن بصعوبه بالغه طبعا . فتقريبا من كلام حضرتك ان ده طبيعي .

بالنسبه للجمله اللي مش واضحه .. الماتور القديم اللي عندي لو مثلا الطبق علي الهيسباسات
الماتور بيبقي مائل ولو بزاويه 45 ولما بحركه مثلا للعرب سات 30 بيبدأ الماتور يتحرك مع الطبق
ويلف وبدل مايبقي زاويه 45 مثلا يعني يبقي 90 ولو مثلا روحت لـ 75 شرق بيبقي بزايه برضه 45
بس عكسيه مش عارف كده وضحت لحضرتك ولا لا ؟

فكنت بقول ان الماتور القديم البليه اللي جمب المسمارين اللي في الصور بتتحرك مع دوران الماتور فبتدي
حريه حركه للماتور مع الطبق وهنا كان سؤالي اللي لو البليه دي مش بتتحرك كده يبقي في مشكله بس هيا تقريبا عشان جديده
بتحتاج قوه اكبر نوعا ما لاني مش قادر احركها تاني :)

وبالمناسبه الماتور القديم اللي عندي بيقدر يلف من
الهيسباسات الي ما بعد 75 شرق ويرجع بدون مشاكل
يعني مش بيقع وبيقدر يرجع الطبق عادي .

خالص شكري وامتناني لحضرتك مره تانيه . وجزاك الله الف خير

[hassangared]

ممتازة

[egypt5050]

رائع جدا و يرجى اعادة رفع الصور

[$waseem$]

عندى طبق 220بريفيكس وحلته محمله تقيله بمراحل عن 220 ECCوالموتور 24
والحمد لله تم استقبال كامل المدار للاقمار المتاحه في المنطقه
من Intelsat 25 @ 31.5° West الى AsiaSat 5 @ 100.5° East
وبدون اي تعديل في البولار وده كله بفضل فكره استاذنا الفاضل الحاج الشريف - له كل الشكر والتقدير - باضافه سوست شد مساعده لذراع المتور لحمل ثقل الحله في حاله الصعود الي اقصي الشرق ومنع سقوط الطبق بسبب حمل ثقله علي زراع الحركه وفي حاله الرجوع من اقصي الشرق تساعد - سوست الشد- زراع المتور في حمل الطبق للعوده به بامان ويسر دون اي حمل زائد علي المتور
بالنسبه للسوست وجدتها لدي محل قطع غيار سيارات النقل
الواحده طولها 17سم استخدمت 3 و وصلتهم ببعض
قوية جدا و اشتريت الواحده ب7.50 جنيه

وكما وعدت الحاج الشريف اليكم صور عمليه للفكره
ومعزره لان الصور ليليه لضيق الوقت نهارا وده الي كان ماخر وضع الصور بالموضوع
الصوره الاولي منظر عام للطبق اقصي الغرب علي قمرIntelsat 25 @ 31.5° Westوامامه وحده التحريك علي رقم 1 وهو اول قمر عندي غربا
http://store2.up-00.com/2016-09/1472738213251.jpg
صور تو ضيحيه للسوست من الخلف والطبق علي وضع اقصي الغرب
http://store2.up-00.com/2016-09/1472739276422.jpg

http://store2.up-00.com/2016-09/1472739276533.jpg

صوره للطبق اقصي الشرق علي قمر AsiaSat 5 @ 100.5° East من الخلف
http://store1.up-00.com/2016-09/1472739907541.jpg

صوره للطبق اقصي الشرق من الامام والسوست مشدوده ويظهر فيها
بعد دراع المتور عن رقبه البولار وعدم سقوطه او تحميله عليها
http://store2.up-00.com/2016-09/1472740963881.jpg

صوره حيه لقمر اسيا سات 100 شرق ومرقم علي التوب فيلد ب رقم 45 اخر اقمار الشرق ومكن يوصل لقمراكسبريس 103 شرق بس معلهش غير تردد واحد وملوش لزمه
http://store1.up-00.com/2016-09/147274163091.jpg

صوره توضح تركيب طرف السوسته في فلانشه المتور
http://store2.up-00.com/2016-09/1472743267531.jpg

صوره توضخ تركيب السوسته في دراع الحله بعد عمل ثوقب ببنطه 6 لاحكام التعليق
http://store2.up-00.com/2016-09/1472743267632.jpg

صوره للجزء الي تم قصه لضبط عزم الشد للسوست
http://store2.up-00.com/2016-09/1472743267733.jpg

والي يعرف ايه الشئ الي متصور عليه جزءالسوسته المقصوص ده ليه مني جايزه
patch_rir--

تحياتي لكم ولاستاذنا الفاضل