مبادرة لتسعيره موحده لتركيب الدش

[hazzuma]

مع احترامى لكلام حضراتكوا،مش كل الفنيين كويس،انا مثلا من سنة نقلت الطبق المتر لعمارة مجاورة الدور 12 على السور،بحلمية الزيتون بالقاهرة، المهم،صاحب المحل ارسل معاى الفنى،راجل كبير وبعد فترة طويلة من التركيب،لئيته جايب اشارة ضعيفة للنايل ومتوسطة للاوربى،وفوجئت بعدم التقاط تردد قناة النهار رياضة تماما،لسة بدعى عليه لغاية دلوائتى،وزودوا عليا فى سعر لفة السلك الأبيض،أخدت لفتين(ميت متر) بمائتين جنيه ،تخيلوا !!! وتركيب 75 ومسطرة عشرة تقريبا،دا غير عشرة جبس واسمنت،يعنى إفترا بكل المقاييس،فامش كل اللى بيركب ،بيعرف يركب للأسف،وعشرة جنيه حلوة أوى عليه،ههههه،تحياتى

[Memmo sat]

والهى لسة فية ناس بتعمل السوفت ب5 جنية وكمان ممكن تقول للذبون تعال اقوللك بيتعمل ازاى وابقى اعملة براحتك فى البيت صوانعية دماغهم تعبانة اللة بخرب بيتهم هم دول الى مبزوظين الدنيا

[هانى خليل]

اهم حاجه انك تتفق مع الزبون قبل ما تتطلع معاه علشان محدش يشتغلنا لكن لو واخد الحاجه من عندك ممكن تنزل حاجات بسيطه علشان الزبون ميطرش وممكن كمان يروح لفنى تانى لو خد الحاجه من عندك بس يطلع فيها القطط الفاطسه ويعمل مشكله مع الزبون

[ibrahem mohammed]

المشكلة ان احنا مابنتفقش على السعر قبل التركيب الزبون اللى بيديه لينا بعد التركيب زي الحلقين كده عمرك شوفت حلاق بيتفق علي اجره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وبعدين طبق 60او70بـ20جنيه و85بمستره 40جنيه ومتر 45جنيه و120ب50جنيه و180ب70جنيه وزياده لوركبت متور 25جنيه علي كل سعر

[احمدموسى 16]

انا مرة ظبط طبق نايل سات ههههههه والزبون قولتلوا 25 ج وبعدين بعد ماظبطهولوا طلع الجهاز بتاع الزبون صينى فى مشكلة بيكسر قنوات قولتلوا دة صيانة هيكلفك 30 ج المهم قاللى يعنى انا ادفع 25ج فى فك مسمارين وتظبيط المهم شديت انا وهوة وعملنا مشكلة فى الاخر قولتلوا انا مش عايز ال 25ج ومابصلحش حاجة وحسبنا الله ونعم الوكيل فيك فعلا هى معاناة مع الزباين وفى زباين ممككن تجرى وراك فى الشارع عشان تديك حقك مع انك معملتش حاجة ممكن تغير الصوت مكان الصولرة فى الاودبو والفيديو بيبقوا مركبينوا غلط وتظبطوا مابيخدش فى ايديك ثانية وتلاقى الراجل طلع يجرى وراك فى الشارع عشان يديك 20 ج فى ثانية انا دلوقت فى المحل عملت اية قبل مابتطلع مع الزبون بقولوا باخد 30ج نايل سات لو هثبت 25 لو هظبط لو قمرين بيزيدوا طبعا بقيت اتفق واريح دماغى وبعدين الزبون اللى بيقرفنى بعلم علية ومابرضاش اطلع معاة شغل المشكلة ان كل من هب ودب بقى اية عملك فيها فلحوس بس العيب فينا احنا منعرفش حد اسرار المهنة برضوا

[ابواياد عبدالله]

يارجالة موضوع التسعيرة يختلف من مكان لاخر
ومن طبقة لاخرى
بمعنى انا اسكن فى منطقة ريفية والتركيب من 25 الى 35 على حسب الزبون
ولكن انا من فترة كنت فى منطقة الزمالك بركب طبق نايل سات فقط واخدت 70 جنية
دة هو المعقول واللى المفروض يتعمل
اما لو ظبط فقط يبقى 15 او 20
ملف القنوات 10 جنية
والله من مدة قريبة واحد سالنى انت بتركب الطبق بكام قلت لة 30 جنية
وكان معاة واحد تانى قاللى ولو واحد ركبة بــ 5 جنية تقولة اية
قلت لة دة يبقى اكبر -------------
قاللى قول للبية اللى بيركبة بــ 5 جنية
ولكن لابد من ان يكون عند الفنى بعض الانسانية
يعنى مثلا لو رايح تركب طبق عند واحدة بتربى فى ايتام وحالتها على ادها
وجايبة التلفزيون والريسيفر بالقسط وبتسدد من المعاش
او واخداهم من حد تانى ببلاش هتحاسبها على كام
ومحدش يقولى وهى اية اللى يخليها تجيب تلفزيون وهى على اد حالها
لانى هقولة ان التلفزيون دلوقتى اصبح لة فوائد على الاقل بيلم الاطفال من الشارع وما ادراك ما الشارع
خناقات وشتائم بالفاظ خارجة وسب بالدين
للاسف العيب من الناس اللى بتشتغل حاليا فى المهنة وهى لا تعلم عنها اى شئ او اللى مش محتاجها وبيشتغلها
طيب تقول اية فى مدرس وبيشتغل فى التركيب


عاوزين نتفق على حاجات اساسيه
و طبعا يوجد تقدير لامور تانيه
يعنى النايل سات اقل حاجة كام
لو نايل و اى قمر تانى كام ؟؟
لو تركيبه شيرنج او رياضيه كام ؟؟
عاوزين نحط حاجات مبدئية و قابله للتعديل حسب الظروف
انما الحالات الانسانيه اتفق معك فيها ان فى الحالات دى لا اخذ اجر

[ابواياد عبدالله]

والله يا اخواننا ركبت قمرين لزبون وطلعت عينى فى الاسمنت والرمل والطبق وفى الآخر قال لما اقبض حاديلك الحساب . طب يرضى مين ده
يعنى الواحد علشان يضمن حقه يا اما ياخد حسابه قبل التركيب أو يمضى الزبون على ايصال امانة برضو قبل التركيب علشان لما يخلص يضمن تعبه
الواحد تعب من زباين اخر زمن لما يطلبك يقولك ركب وخد اللى انت عاوزه وبعد ما تركب مبيهونش عليه الفلوس
وعجبى
هى مالهش حال الا فى حالاتين
1 انك تتفق وتاخد حقك قبل العمل
2 ان يكون فى تسعيرة لتركيب

[ابواياد عبدالله]

أنا تقريبا فى الشغلانة دى من حوالى 8 سنوات . واتعلمت حاجات منها كتير ومن خلال تعاملى مع معظم الشرائح من االناس بأحصل على حقى من الزبون...patch_lov-patch_lov- . أولا .. حضرتك أول حاجة لازم تتعلمها فى الشغلانة دى أنك ما تتفقش على الشغل علشان حضرتك لم ترى الشغل بعينك عند الزبون . ثانيا : هنفترض حضرتك رايح تركب طبق نايل سات جديد . وده طبعا بيختلف سعر تركيبه من مكان لمكان . طبعا على ما أظن إن الزبون فى الطبق الجديد هيعطيك 20 جنيه . طبعا هنزل الشقة عنده وهيقوللى الريسيفر عايز برمجة . هقولله يا باشا إنت تأمر بس لازم تيجى المحل علشان يتم إخذ السوفت وملف القنوات .. وبكده أنت معاك كمان عشرة جنيه فوق العشرين بتاعة حضرتك .. كده الزبون عرف المحل بتاعك . واتعرف عليك وهيجيلك فى شغلانات كتير . ( يعنى ما تعصرش الزبون من أول مرة يتعرف عليك ) ودايما خليك مرن ولا تعطى له النهائى فى الشغل إلا لو حسيت أنه هيديلك حقك . ثانيا طول ما الزبون معاك هيطلبك فى شغلانات كتير . ولو ما كسبت منه فى أول مرة حاول تكسب منه فى تانى مرة . ثالثا موضوع العشم ده دايما بيأتى من الناس اللى عارفينك جدا . هنقول ماشى ونمشلهم العشم بتاعهم . طبعا هم مش هيدفعوا فى التركيب حاجة ولو دفعوا بيبقى حاجة بسيطة . فى الحالة دى أنت ممكن تقوللهم العدسة محتاجة تغيير وتقولله مثلا معايا فى شنطة العدة عدسات مختلفة فيه منها غالى وفيه منها رخيص وأكيد طبعا العيب فى الطبق بس ما تقولش للزبون الكلام ده . حاول تضيف أجرك مع العدسة ومن غير الزبون ما يعرف . ده للناس العشمانة . ثالثا . بالنسبة للصنايعى اللى بيركب بخمسة وبعشرة جنية حوالى 90فى المائة منهم لهم شغلانات تانية وواخدين شغلانة الدش دى سربوبة جنب شغلهم .. يعنى مش فارقة معاهم خمسة واللا عشرة جنية واللا حتى يركب الطبق بحاجة ساقعة . والأغرب من كدة إن الناس اللى بتركب الدش بعشرة جنيه يسألوك هو الطبق أبوماتور بيركب إزاى . هى قناة دهوك بتيجى إزاى . يعنى يسألك فى حاجات تخص شغلك مع إنه هو شغال شغلانة تانية غير التركيب . الموضوع بجد بقى فوق الفظيع ..
ما ينفعش نكذب على الناس فى موضوع العدسه ده يبقى غش انما لوفية تسعيره هنريح ونستريحا اما للمعارف ابعتلهم فنى غيرك علشان تريح نفسك

[ابواياد عبدالله]

لو فية نظام وتسعيره كل وحد هيعرف اللى لية واللى عالية

[محمد داود]

ما ينفعش نكذب على الناس فى موضوع العدسه ده يبقى غش انما لوفية تسعيره هنريح ونستريحا اما للمعارف ابعتلهم فنى غيرك علشان تريح نفسك

حضرتك انت فهمت كلامى بطريقة عكسية . كل اللى أنا أقصده أنك تضيف أجرك على العدسة علشان لا تزعل من الزبون المعرفة أو هو يزعل منك لو ما رحت له .. يعنى تقريبا حل وسط .. ده بالنسبة للى عايز يروح يركب . أما لو الصنايعى مش عايز يروح هو حر .. إحنا كلنا بنحاول مع بعض إيجاد حلول لكى لا نظلم أنفسنا ولا نظلم الزبون .. ثانيا يا غالى لو افترضنا وضع التسعيرة هل ستكون ملزمة للجميع . بالطبع لا .. الموضوع صعب يا غالى تنفيذه من الناحية العملية لإختلاف الشرائح بين الناس والأماكن الجغرافية . تقبل تحيات أخيك .. patch_lov-patch_lov-

[bebo606]

والله جالي فني محترم وظبط لي طبق 180 بريفكس وجاب من قمر هسباسات 30 غرب إلى قمر 57 شرق واشتغل حوالي تقريبا 3 ساعات او اكثر مش فاكر بالظبط

المهم طلب 300 جنيه بصراحة في الأول استغربت وقلت ايه دا هو بيستغلني ولا ايه

وخرجت وكان بيظبط الاقمار والقنوات وقلت الراجل تعب في الطبق وظبط الطبق بامتياز وعمل كل اللى طلبته منه طيب انا عاوز ايه تاني

واعطيته الـ 300 جنيه والله قلت ربنا يباركله في المبلغ

هي المشكلة عندنا كمصريين مش بنقدر بعض وكمان للأسف نحب اللى بيضحك علينا

لكن والله فعلا لما يجي الفني ويظبط اي حاجه عندي المبلغ اللى بيطلبه بياخدوا وبالزياده كمان

تحياتي وتقديري لحضراتكم

[ابواياد عبدالله]

والله ياجماعة كل اللى احنا عاوزينه ان نطبق الاية الكريمة دى
وَيَا قَوْمِ أَوْفُوا الْمِكْيَالَ وَالْمِيزَانَ بِالْقِسْطِ وَلا تَبْخَسُوا النَّاسَ أَشْيَاءَهُمْ وَلا تَعْثَوْا فِي الأَرْضِ مُفْسِدِينَ (85)
سورة الاعراف
عاوزين ندى للناس حقوقه وناخد حقوقنا لااكثر ولا اقل

[ابواياد عبدالله]

والله ياجماعة لو فية تسعيرة اللناس هتعرف اللى لية وهتعرف اللى علية
علشان لانظلم ولا نتظلم

[ابواياد عبدالله]

والله ياجماعة انا متمسك بالمبادرة وبدعمه
وممكن نخلى تسعيرة على حسب كل مكان
مثلاً الصعيد ووجه بحرى والدلتا كل مكان
له التسعيرة الخاصه به
عاوزين نتفق على حاجات اساسيه
و طبعا يوجد تقدير لامور تانيه
يعنى النايل سات اقل حاجة كام
لو نايل و اى قمر تانى كام ؟؟
لو تركيبه شيرنج او رياضيه كام ؟؟
عاوزين نحط حاجات مبدئية و قابله للتعديل حسب الظروف

[ابوحمد سرور]

عن نفسى تركيب نايل سات 30ج ظبط اشارة 20ج

[ابواياد عبدالله]

لو فية نظام وتسعيره هيكون افضل بكتير

[فني تركيبات]

باختصار شديد جدا للاخوه الافاضل

1 - نايل سات = 30
2 - قمرين = 40
3 - 3 اقمار = 60

تضبيط قمر = 15
تضبيط 2 = 25
تضبيط 3 = 30

تركيب متحرك = 300
تضبيط متحرك = 50

حد عنده شوق فى حاجه

[فني تركيبات]

باختصار شديد جدا للاخوه الافاضل

1 - نايل سات = 30
2 - قمرين = 40
3 - 3 اقمار = 60

تضبيط قمر = 15
تضبيط 2 = 25
تضبيط 3 = 30

تركيب متحرك = 300
تضبيط متحرك = 50

حد عنده شوق فى حاجه

[امام سليمان]

1 - نايل سات = 30
2 - قمرين = 40
3 - 3 اقمار = 60

تضبيط قمر = 15
تضبيط 2 = 25
تضبيط 3 = 30

تركيب متحرك = 150
تضبيط متحرك = 30

[علاء النادى]

يا جماعه حتى احنا لو عملنا بالمبادرة دى مش كل واحد مننا هيكون مع الفنى وهوة بيحاسب الزبون عشان يعرف عمل بكلامنا ولالا متهيقلى الموضوع دة صعب حتى لو اتفقنا عليه والله اعلم............