مبادرة لتسعيره موحده لتركيب الدش

[ابواياد عبدالله]

باختصار شديد جدا للاخوه الافاضل

1 - نايل سات = 30
2 - قمرين = 40
3 - 3 اقمار = 60

تضبيط قمر = 15
تضبيط 2 = 25
تضبيط 3 = 30

تركيب متحرك = 300
تضبيط متحرك = 50

حد عنده شوق فى حاجه
patch_lov- كل الشكر والتقدير للاخ الحبيب الغالى ابراهيم مصراوى وكل عمالقة التركيبات والمنتدى الكبير ولكل القائمين علية احنا لينا شوق ان المنتدى الغالى هو اللى يحط التسعيرة والكل يمشى عاليه ويكون هو صاحب السبق والرياده فى الموضوع ده تبقى كل الناس تعرف التسعيرة منه ونبقى زى محلات الصاغة والجواهرجى لما بيعرفو اسعار الذهب من البورصه مش نبقى زى الحلاقين (مع كامل احترامنا ليهم) يبقى مصراوى سات بورصة التركيبات بالنسبه لينا patch_lov-

[ابواياد عبدالله]

يا جماعه حتى احنا لو عملنا بالمبادرة دى مش كل واحد مننا هيكون مع الفنى وهوة بيحاسب الزبون عشان يعرف عمل بكلامنا ولالا متهيقلى الموضوع دة صعب حتى لو اتفقنا عليه والله اعلم............
M-Dg عاوزين احنا اخى الفاضل علاء النادى نكون احنا اصحاب المبادرة وكل وحد يكلم الفنى اللى يعرفة فى منطقة صدقنى لو كل وحده عرف الصنايعية واصحاب المحلات الموضوع مش هياخد اكتر من سنه باذن الله M-Dg

[مصطفى جمال المغربى]

يا ريت والله يبقى فى تسعيرة للتركيب والتظبيط لان الصنعة راحت هيبتها
كل صنايعى فى اى مهنة ليه اجر ثابت لية احنا ميبقاش لينا حد ادنى ومحدش ياخد
اقل منه يارب يبقى فيه تسعيرة ومحدش ياخد اقل منها وفى الاخر احب اقول ان المسالة تقدير من الزبون

[مزازيك]

والله الكلام كلة جميل وشيق واستمتعت وانا باتابع حضراتكو فى ردودكم بس من رائى لو فية سعر موحد يبقى افضل علشان اللى مش عاجبة السعر يروح يسال عند صنايعى تانى يلاقى نفس التسعيرة ويعرف انك ما بتضتحكش علية فى الاجرة بس الاهم ان كل الصنيعية تلتزم بية تحياتى للجميع

[الفارس الاوحد]

كان تركيب الدش ايام الانلوج والاطباق الكبيرة 600 جنيه وكانت مكونات الدش غالية وكان مش اى حد يركب الطبق وكان اقل طبق 160 ولكن الان قطر الطبق 60 سم والاقمار قوية وناس كتيير دخلت الصنعة بدون وعى ودراية اخرهم يركبو النايل سات هم دول اللى خربوا المهنة وبيركبوا الطبق ب20 جنيه والناس دى بمجرد شويه رياح الطبق بيتهز ويخرب الطبق

[ابواياد عبدالله]

كما ذكرت وقال الاخوة الافاضل عاوزين الناس تعرف التسعيرة ونبقى زى محلات الصاغة والجواهرجى لما بيعرفو اسعار الذهب من البورصه يبقى مصراوى سات بورصة التركيبات بالنسبه لنا جميعاً

[الفنان121]

patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-patch_lov-ماينفعش تروح لزبون فى التجمع الخامس او الجولف او ميراج سيتى وتنفذ علية التسعيرة وبعدين فى شغل بياخد وقت وبيبقى سعات فى مشاكل فى السلك فى العدسة فى المتور فى الدرا ممكن يكون نوع طبق وحش ويقرفك حاجات كتير ما تقدر تحدد السعر الى لما تخلص الشغل صدقنى تقديرية وبتختلف من شخص للتانى ومن شغل محترف الى مبتدئ صدقنى ما لهاش تسعير صعب جدااااااااااا

[ma20030]

اسلوب الفنى هو الشغل كلة يعنى لو اسلوبة كويس ممكن ياخد الى هو عاوزة من الزبون وبعدين كل واحد بيقدر تعبة بالمبلغ الى هو شايفة دة راءى

[ابواياد عبدالله]

والله ياجماعة احنا بنضع وبنحمل مصراوى سات المسئوليته التاريخية للحفاظ على هذه الصناعة من الانقراض والله المستعان

[علاء النادى]

M-Dg عاوزين احنا اخى الفاضل علاء النادى نكون احنا اصحاب المبادرة وكل وحد يكلم الفنى اللى يعرفة فى منطقة صدقنى لو كل وحده عرف الصنايعية واصحاب المحلات الموضوع مش هياخد اكتر من سنه باذن الله M-Dg



ان شاء الله يا ابواياد بس نتفق الاول هنا وبعد كدة نبلغ كل اصحابنا وربنا يقدم اللى فيه الخير احنا عاوزين المصلحه للكل ...........

[حوده العالمي]

انا برده لسه عامل موضع في المنتدى بسبب جهل الناس او استعباطهم المهنه بقت متعبه جدا والله

http://www.masrawysat.com/vb/showthread.php?t=1824488

[الهوارى200]

انا وبكل فخر بركب النايل سات ب25 جنية فقط في المنيا وبعد ما اتفق مع الزبون علي هذا السعر يقولي ماشي تعالي واروح عندو يقولي بص انت مش هتعمل حاجة انا ثبت الاستند وجمعتلك الطبق وانت عليك بس هتجيب الاشارة وطتلع للطبق تلاقي كل حاجة ركبه غلط يعني الاستند راكب من غير القعدة تسالو في قعدة هي فين يقولك انا لقيتها زيادة وما لهاش مكان اضحك واقولو هاتها طيب اصل انا عرفة مكانها واتعب ماعليش يا حاج وهتلي اسمنت وجبص يقولك ليه ما انا جبت كيلو اسمنت و كيلو جبص وثبات المسورة اقولي اتعب وهتلي ب 5 جنية اسمنت وجبص يقولي لية تاني اقولو الاستند راكب غلط وبعد ما اخلص من قصة الاستند اخوش علي الطبق الاقي الطبق لو ركبتو علي تجميعو هيجيب معايا اقمار غريبة مثلا قمر عشة الفراخ او قمر السطح بتاع الزبون المهم طبق النايل سات بفضل الله في نص ساعة ده لو انا اللي اشتغلت في الطبق من الاول لكن ولو في نفس الظروف دي ممكن الطبق 3 ساعات ما تجبنيش فارجو من المختصين التدخل لانقاظي من الضياع

[احمد انور خضر]

الموضوع نسبة وتناسب حسب كل منطقة
بمعني اني لو حد واخد محل ب800 جنيه ايجار مثلا
مش هيركب الطبق النايل سات اقل من 50 جنيه
علشان المنطقة ايجارها غالي والزبون قاعد في مكان غالي
فلازم يدفع القيمة دي وهو راضي ومقتنع
ولو واخد محل ايجاره 200 جنيه في حارة في منطقة شعبية
هيختلف الوضع تماما يعني هيركب الطبق ب30 جنيه
والزبون هيناهد فيه (20 كويس يا اسطي)
هكذا هي العلاقة بين الفني والزبون
اماكن مختلفة باسعار مختلفة
اللي نقدر نعمله هو ان كل منطقة او بلد او قريه
الفنين اللي فيها يتفقوا مع بعض علي توحيد السعر
علشان الزبون يبقي مطمئن ان مفيش حد هيظلمه
...........
والموضوع في الاساس هي مسألة ضمير وذوق
ضمير من الفني وذوق من صاحب الطبق
والفيصل قبل كل شئ هو الاتفاق علي ثمن التركيب
ده رأيي المتواضع

[الهوارى200]

اسلوب الفنى هو الشغل كلة يعنى لو اسلوبة كويس ممكن ياخد الى هو عاوزة من الزبون وبعدين كل واحد بيقدر تعبة بالمبلغ الى هو شايفة دة راءى

يا استاذي المحترم تسمحلي اقولك اني الزبون لو انت بتركبلو طبق نايل سات وخد في ايدك 10دقائق وتقولو 25 جنية يقولك لية يا عم ده حتي ماكملش حاجة في تركيبو ولو نفس الطبق ونفس الزبون وقعت في الطبق ساعتين وقولتلو 25 جنية يدهالك ويقولك شوف لو عايز فلوس تاني قول( بس هي الطبيعة ماشية كده)

[ابواياد عبدالله]

الموضوع نسبة وتناسب حسب كل منطقة
بمعني اني لو حد واخد محل ب800 جنيه ايجار مثلا
مش هيركب الطبق النايل سات اقل من 50 جنيه
علشان المنطقة ايجارها غالي والزبون قاعد في مكان غالي
فلازم يدفع القيمة دي وهو راضي ومقتنع
ولو واخد محل ايجاره 200 جنيه في حارة في منطقة شعبية
هيختلف الوضع تماما يعني هيركب الطبق ب30 جنيه
والزبون هيناهد فيه (20 كويس يا اسطي)
هكذا هي العلاقة بين الفني والزبون
اماكن مختلفة باسعار مختلفة
اللي نقدر نعمله هو ان كل منطقة او بلد او قريه
الفنين اللي فيها يتفقوا مع بعض علي توحيد السعر
علشان الزبون يبقي مطمئن ان مفيش حد هيظلمه
...........
والموضوع في الاساس هي مسألة ضمير وذوق
ضمير من الفني وذوق من صاحب الطبق
والفيصل قبل كل شئ هو الاتفاق علي ثمن التركيب
ده رأيي المتواضع
اتفق معك تماماً استاذنا الكبير احمد انور ولكن اختلف معك فى التركيب نريد ان يكون هناك حد ادنى فى التركيب علشان لو الزبون ذهب الى احد المحل ذات الايجار الكبير وقاله 50 جنيه وتركه وذهب لمحل اخر يجده نفس القيمة

[ابواياد عبدالله]

انا برده لسه عامل موضع في المنتدى بسبب جهل الناس او استعباطهم المهنه بقت متعبه جدا والله

http://www.masrawysat.com/vb/showthread.php?t=1824488
انا عملة المبادرة دى علشان التعب اللى بنشوفه فى المهنة دى واعرف انا بعض الاخوة الافاضل تركو هذه المهنة بسبب سوء المعامله

[سيجما]

1 - نايل سات = 100
2 - قمرين = 150
3 - 3 اقمار = 200

تضبيط قمر = 50
تضبيط 2 = 75
تضبيط 3 = 100

تركيب متحرك = 300
تضبيط متحرك =100

هو ده العدل...
واللى مش عاجبو
يدور على صنايعى غيرك...
لازم تكون مميز

[سيجما]

ا]نا عملة المبادرة دى علشان التعب اللى بنشوفه فى المهنة دى واعرف انا بعض الاخوة الافاضل تركو هذه المهنة بسبب سوء المعامله[/SIZE]

انا واحد منهم

patch_lov-patch_lov-

[ابواياد عبدالله]

1 - نايل سات = 100
2 - قمرين = 150
3 - 3 اقمار = 200

تضبيط قمر = 50
تضبيط 2 = 75
تضبيط 3 = 100

تركيب متحرك = 300
تضبيط متحرك =100

هو ده العدل...
واللى مش عاجبو
يدور على صنايعى غيرك...
لازم تكون مميز
اشمعنى موظفين الحكومة ليهم حد ادنى وحد اقصى والقطاع العام بيحاولو يخلو ليهم حد ادنى وحد اقصى احنا عاوزين مستوى دخل كويس يعيش فنى التركيب عيشه مناسبه

[ابواياد عبدالله]

انا واحد منهم

patch_lov-patch_lov-
patch_no::: وانا التانى شكلى هبقى منكم اخى الحبيب سيجما patch_no:::