مبادرة لتسعيره موحده لتركيب الدش

[ابواياد عبدالله]

patch_sante-- الى منتدنا الغالى والقائمين علية الى الادارة الكريمه الى الاخوه المشرفين الافاضل احب ان اقدم اليوم مبادرة لعمل تسعيره موحده لتركيب الدش نلتزم به كافنين فى كل مكان علشان تعبنا من معاملة الناس واذا كنا فى منتدنا الغالى ما يبقش لنا السبق فى الموضوع ده مين اللى يكون ليه ويكون للمنتدى الحق الوحيد فى تحديد سعر التركيب ويغيره على حسب الظروف
والله ولى التوفيقpatch_sante--

[rara.rar29]

والله معك حق ياريت كله يتفق لان الناس تعبتنا اوى والله انا ركبت اليوم نايل سات الزبون طلع لى 10 جنيه طيب قلولى على رايكو

[ياسر عرفة 2000]

انا بركب النايل سات ب40 جنيه وتظبيط الاشارة ب25 جنيه

وألى مش عاجبه مبشتغلش

[mohamed_boss_1_9]

قوله لا حول ولا قوة الا بالله..........انا لله و انا اليه راحعون

[ابواياد عبدالله]

المشكلة يااستاذ rara.rar29 ان احنا مابنتفقش على السعر قبل التركيب الزبون اللى بيديه لينا بعد التركيب

[ابواياد عبدالله]

ياريت ادارة منتدنا الغالى تفعل المبادرة دى

[محمد ناصرر]

مبادره تمام

[ahamadmohammed]

مين ينفذ
والله انا اعرف واحد بيركب
نايل سات ب5 جنيه

[ابواياد عبدالله]

ياريت الكل يشارك فى المبادرة دى لان المبادره دى لنا جميعاً وهتريحنا كتير

[ابواياد عبدالله]

ااحنا اللى هنفذ احنا اللى هنبتدى نضياء شمعة وسط الظلام ثم غير معقول 5 جنيها استحالة ده اكل عيش ياجماعه

[MARWAN000028]

التركيب اسمنت وجبس وحفر نايل سات بس 50 اققل حاجة وعلى حسب الزبون اولا فى ناس غلابة والصيانة 40 وبرضوة ماننساش ان الدش والقنوات دية سلعة مش ضرورية مش اكل ولا شرب الى عاوز يدفع دية وجة نظرى

[ابواياد عبدالله]

احنا يااستاذ MARWAN000028عاوزين المنتدى والاداره تحدد السعر وكلنا نمشى عليه

[MARWAN000028]

احنا يااستاذ MARWAN000028عاوزين المنتدى والاداره تحدد السعر وكلنا نمشى عليه
ماينفعش تروح لزبون فى التجمع الخامس او الجولف او ميراج سيتى وتنفذ علية التسعيرة وبعدين فى شغل بياخد وقت وبيبقى سعات فى مشاكل فى السلك فى العدسة فى المتور فى الدرا ممكن يكون نوع طبق وحش ويقرفك حاجات كتير ما تقدر تحدد السعر الى لما تخلص الشغل صدقنى تقديرية وبتختلف من شخص للتانى ومن شغل محترف الى مبتدئ صدقنى ما لهاش تسعير صعب جدااااااااااا

[عصام باشا2012]

انا معكم اخوانى جميعا فى هذا الراى
عشان بجد الواحد قرب يتعقد من الشغل من معاملة الناس
نرجو من الادارة الكريمة التفاعل معنا فى هذا الموضوع وشكرا لكم

[ابواياد عبدالله]

طيب ياستاذ MARWAN000028 لوعملت الشغل كله ده لوحد وعطاك 20 جنيه هتعمل اية بعد المجهود ده

[ابواياد عبدالله]

احنا عاوزين اساسيات سعر التركيب والضبط والصيانه ده هيريحنا كتير وهيعرف الناس علشان احنا مانتعبش فى الاخر بعد المجهود وبناخد تقدير بسيط اقل من المجهود المبذول

[فني تركيبات]

السلام عليكم جميعا
بالنسبه لتحديد سعر التركيب انا غير متفق معكم تماما
لان تركيب الاطباق يتغير من مكان الى مكان ومن منطقه الى اخرى
مثال / يوجد تركيبه فى عماره 13 دور وبدون مصاعد للطلوع
واخرى 3 دور اكيد هنا السعر هايختلف
يوجد تركيبات فى مناطق شعبيه بحته كما يوجد فى مناطق راقيه
يوجد تركيبه ممكن تقعد فيها ساعه واخرى 5 دقائق
فرضنا اننا سعرنا النايل سات 40 جنيه
وسيادتك ذهبت لتركيب النايل عند زبون ساكن فى منطقه راقيه
وبعد انتهاء التركيب الزبون اعطاك 100 جنيه هاتقوله لا ياباشا انا بركب بــ 40
طبعا استحاله بكل المقاييس تسعير التركيب

[رحمة ونور]

في زباين بتقابلني عايزة تشتغل عندها وتتديها فلوس انا بصراحة باعاني من موضوع التسعيرة دة مع ناس كتير

[استشارى نافع]

الفكرة طيبة بس للاسف مستحلية التنفيذ

[alamogy]

طيب وايه رائيكم فى الفنى اللى بيطلع يبدل سلك الدايزك من 1 2 الى 3 4 وبياخد 60 جنيه؟؟
او يفك سلك ال lnb ويركبه تانى وياخد 50 جنيه؟؟
وعلى فكره مفيش حاجه اسمها منطقه شعبيه ومنطقه راقيه
الفنى تيجى تساله يركبلك حاجه يقولك انت ساكن فين؟
زى الميكانيكى اللى تقوله انك عايز تجبله العربيه يقولك هى عربيتك ايه؟
يا سيدى وانت مالك؟؟
على اساس ان المنطقه الراقيه بيطبع الفلوس ولا اللى عنده عربيه غاليه المفروض يدفع اكتر من اى حد!